Jambyl oblysynda byltyr kämeletke tolmaǧan 248 qyz jüktı bolyp qalsa, onyŋ üşten bırı körşı oblystar men Qyrǧyzstannan kelgender eken
Jambyl oblysynyŋ äkımdıgı densaulyq saqtau ministrlıgınen erte jüktı bolyp qalǧandardy jyldam anyqtau üşın elektrondy bazaǧa olardyŋ tūrǧylyqty jerı men oqityn mektebın engızudı sūrap otyr, dep habarlaidy Sputnik Qazaqstan tılşısı.
Oblys äkımınıŋ orynbasary Sūluşaş Qūrmanbekovanyŋ aituynşa, Jambyl oblysynda 2018 jyly kämeletke tolmaǧan 364 qyz jüktı bolyp qalsa, byltyr olardyŋ sany 248-ge deiın azaiǧan.
"Olardyŋ arasynda 16 jasqa deiıngı qyzdardyŋ sany – segız. 71-ı - körşı oblystar men Qyrǧyzstannan kelgender", dedı ol Nur Otan partiiasynda ötken jiynda.
Osy rette Qūrmanbekova densaulyq saqtau ministrlıgıne ūsynys aitty.
"Bükıl respublikada elektrondy baza bar eken. Bıraq, ol elektrondy bazaǧa oquşynyŋ tūrǧylyqty jerı, oqityn orny körsetılmeidı. Sondyqtan bız eger erte jüktı bolyp qalǧan qyz bızdıŋ oblysqa tırkelse, ızdep otyramyz. Osy mäselede densaulyq saqtau ministrlıgı kışkene qoldau körsetse", - degen ötınışın bıldırdı äkım orynbasary.Sonymen qatar, ol balalar arasyndaǧy suisidke de toqtaldy. Aituynşa, suisidtıŋ aldyn aluǧa baǧyttalǧan şaralarǧa qaramastan, 2018 jylǧa qaraǧanda özıne qol salu oqiǧasy ekı esege ösıp, 2019 jyly on ekıge jetken. "Jalpy mūnyŋ bärı üiınde, keşkı uaqytta bolǧan. Tergeu qorytyndysy boiynşa toǧyz oqiǧanyŋ sebepterı anyqtalmady, al üşeuı otbasyndaǧy kikıljıŋ, renış pen yzalanu saldarynan bolǧan. Sondyqtan oblys äkımınıŋ tapsyrmasymen bız psihologiialyq tärbie ortalyǧyn aşudy qolǧa alyp otyrmyz", - dedı Qūrmanbekova. Sondai-aq balalar arasynda öz-özıne qol jūmsaudyŋ aldyn alu, şūǧyl äreket etu algoritmı bekıtılgen.
