Qordai audanynda qariianyŋ ekı balasyn ūryp-soqqandar ūstaldy, – dep habarlaidy Tengrinews.kz.
Būl turaly Premer-ministrdıŋ orynbasary Berdıbek Saparbaev baspasöz mäslihatynda aitty. Odan jurnalister «Qariianyŋ ekı balasyn ūryp-soqqandar turaly aqparat boldy, olar ūstaldy ma? Qandai jazaǧa tartylady?» dep sūrady.
– Ūstaldy. Qazırgı uaqytta tergeu jürıp jatyr, olardyŋ qalai jazalanatyny tergeu aiaqtalyp, sot ükımı şyqqanda anyqtalady. Keşe bızge poliseilerdı ūryp-soqqandar turaly da sūraq qoiyldy. Olar da ūstaldy. Ūstalǧandarǧa qatysty qylmystyq ıs qozǧaldy. Tergeu jürıp jatyr, – dep jauap berdı Saparbaev.
Qordai audanyndaǧy tärtıpsızdıkter boiynşa 25 qylmystyq ıs qozǧaldy
Būǧan deiın Azamat Erǧali esımdı Facebook qoldanuşysy Almatydaǧy №7 qalalyq klinikalyq auruhanada jatqan zeinetkerdıŋ jaǧdaiyn sūraǧan. Öz kezegınde qariia qazaqstandyqtardan öşıkpeudı sūraǧan bolatyn.
– Atamyz sau, jaǧdaiy mäz emes. Bıraz soqqy jegen. Operasiiaǧa daiyndalyp jatqan atanyŋ jaǧdaiy qiyn bolǧanymen, bızdıŋ Tölegen ata halyqtan öşıkpeudı sūrady. Beibıtşılık bolsa deidı. Eşqandai öş aludyŋ keregı joǧyn, halyq zardap şegetın saldardyŋ qajetı joq ekenın aitty. Bızdıŋ atalarymyzdyŋ jomarttyǧy būl. Solarǧa qūlaq asaiyq, – degen edı qartpen kezdesudı videoǧa tüsırgen Azamat Erǧali.
Qordaidaǧy qaqtyǧysta zardap şekken aqsaqal jaǧdaiyn aitty
Eske salaiyq, 7 aqpanda Jambyl oblysy Qordai audany Masanchi auylynda tūrǧyndar arasynda jappai töbeles boldy.
Jappai töbeleske 300-ge juyq adam qatysqan. Auqatty auyly jäne Būlan Batyr auyldarynda janjal şyqty. Būzaqylar metall zattaryn, atys qaruyn qoldanǧan.
Medisinalyq mekemelerge 137 adam kömek sūrap keldı. Ekı polisei zardap şekken. 30-ǧa juyq üi, 15 sauda ortalyǧy qiraǧan, 23 kölık örtengen.
Basqalarmen bölıse
otyryŋyz
