Densaulyq saqtau ministrı Eljan Bırtanovtyŋ habarlauynşa, taǧy 217 qazaqstandyq Qytaidan evakuasiialandy.
"Olardyŋ barlyǧy qazır medisinalyq mekemelerde tekserılıp jatyr. Olardyŋ arasynda koroavirusty jūqtyru tırkelgen joq",- dedı Densaulyq saqtau ministrı Eljan Bırtanov Ükımet otyrysynda.
Aita ketu kerek, erteŋ 12 aqpanda Qytaidan Qazaqstannyŋ 145 azamatyn osyndai reispen şyǧaru josparlanyp otyr. Köşıru aiaqtalǧannan keiın QHR aumaǧynda 343 azamat qalady, olar Qytaida qaluǧa özderı niet bıldırgen.
Būǧan deiın habarlanǧandai, "Eir Astana" äuekompaniiasynyŋ ūşaqtary Pekinge 10 jäne 12 aqpanda attanady. Qytai tarapynyŋ ötınışı boiynşa būl reister Pekinge Qazaqstandaǧy 47 Qytai azamatyn, sondai-aq QHR elşılıgınıŋ Qazaqstanǧa kommersiialyq emes jügın jetkızudı josparlap otyr.
Eske salaiyq, Uhannan būǧan deiın 2 aqpanda 83 qazaqstandyq evakuasiialandy, onyŋ 80 - ı studentter. Keiın Qytaidan 427 qazaqstandyqtyŋ oralǧysy keletını belgılı boldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz