Biylǧy barlyq bastamalar men igı ıster halqymyzdyŋ bırlıgın bekemdeidı. Būl turaly Qazaqstan Prezidentı Qasym-Jomart Toqaev aitty, dep habarlaidy QazAqparat tılşısı.
«Jyl basynan berı äleumettık maŋyzy zor ondaǧan jalpyūlttyq joba qolǧa alyndy. Volonter jylynyŋ basty ūrany - BIRGEMIZ. Sondyqtan biylǧy barlyq bastamalar men igı-ıster halqymyzdyŋ bırlıgın bekemdeidı dep senemın. Men ūsynǧan «Äraluan pıkır - bırtūtas ūlt» tūjyrymy osyndai şaralar arqyly jüzege asyryluy kerek», - dedı Memleket basşysy volonterlerdıŋ «BIRGEMIZ» respublikalyq front-keŋsesın resmi ıske qosu şarasynda. Qazaqstan Prezidentı memleket erıktılerge ärqaşan qoldau körsetetındıgın basa aitty. «Aldaǧy kezeŋde bız bırqatar maŋyzdy mäselege airyqşa nazar audaruǧa tiıspız. Eŋ aldymen jastar jylynyŋ jabyluyna arnalǧan şarada men bızdıŋ qoǧamyzdyŋ naqty mäselelerın şeşuge baǧyttalǧan bırqatar jobany ataǧan edım. Auyldaǧy jastar, balalar üiınıŋ tärbielenuşılerı, ardagerler men zeinetkerler kömekke mūqtaj. Äsırese nauqastardyŋ beiımdeluıne jäne kütımıne qol üşın beru qūndy bola tüspek», - dedı Qasym-Jomart Toqaev.
Ūqsas jaŋalyqtar
