Ūlttyq muzeide qazaqtyŋ ūlttyq taǧamdaryn zertteitın laboratoriia aşylady. Būl jönınde akademik Töregeldı Şarmanovpen kezdesu barysynda Ūlttyq muzei direktory Darhan Myŋbai aitty, dep habarlaidy Qazaqstan Respublikasy Ūlttyq muzeiınıŋ aqparattyq imidjdık qyzmetı.
Ūlttyq muzeide ūiymdastyrylǧan kezdesu kezınde Qazaq taǧamtanu akademiiasynyŋ prezidentı, akademik Töregeldı Şarmanov jylqy şaruaşylyǧy men qymyz öndırısıne erekşe män bereu kerektıgıne toqtalyp öttı.
«Bärımızdıŋ maqsatymyz bır ol – qazaqtyŋ tarihyn, ūlttyq mädenietın, jan-jaqty körsetu, nasihattau, tanystyru. Bız özımızdıŋ atadan balaǧa jalǧasqan ūlttyq taǧamdarymyzdyŋ maŋyzyn tüsınuımız qajet. Mäselen bız jylqynyŋ qasietın, onyŋ maŋyzy men artyqşylyqtaryn dūrys tüsınbei jürmız. Jylqy jaily ne bılemız? Onyŋ tek etın jep, qymyzyn ışudı ǧana bılemız. Bıraq, bie sütınen qanşama önım jasap şyǧaruǧa bolar edı, ony bız osy uaqytqa deiın jüzege asyra almai kelgenbız. Qazır Qazaqtyŋ taǧamtanu akademiiasy bie sütınen balmūzdaq, şokolad, tort siiaqty önımder öndırıp jatyr. Olar adam aǧzasyna paidaly därumenderge bai. Bız qazır jylqyny tek qana soiyp jep jabaiy türde qūrtyp jatyrmyz. Qymyz adam densaulyǧyna öte paidaly, ol adamnyŋ şarşauyn ūmyttyryp, köŋıl-küiın köteredı. Qymyzdyŋ qūramynda adamǧa rahat syilaityn därumender bar. Tıptı orys jazuşysy Lev Tolstoi äielımen renjısken kezde aptalap, qymyz ışıp jatatyn bolǧan. Bienıŋ sütı terı aurularyna em. Kezınde qymyzdy köp ışetın qazaqtardyŋ arasynda terı auru az bolǧan», - dedı T.Şarmanov.
Töregeldı Şarmanovpen kezdesuge Qazaqstan Respublikasy Ūlttyq muzeiınıŋ ǧylymi qyzmetkerlerı men ǧalymdar, muzei qyzmetkerlerı qatysty. Akademik ǧylymi qyzmetkerlerdıŋ sūraqtaryna jauap berdı.
«Ūlttyq muzei qazaqtyŋ baiyrǧy ūlttyq taǧamdaryn zerttep, onyŋ paidasy men artyqşylyqtaryn, halyqqa tüsındıretın bolady. Būl ıske T.Şarmanov basqaratyn Qazaqtyŋ taǧamtanu akademiiasy keŋesşı bolatyn boldy» – dedı D.Myŋbai.
Aita öteiık, Ūlttyq muzeide aşylatyn ūlttyq taǧamdardy zertteitın laboratoriia muzei janyndaǧy «Halyq qazynasy» ǧylymi-zertteu institutyna qarasty bolady. Jobaǧa qazırgı uaqytta institut jetekşısı Aqan Oŋǧar basşylyq etedı.
Nūrserık JOLBARYS
