Däuren Abaev äleumettık jelıdegı Aisūltan Rahattyŋ jazbalaryna qatysty pıkır bıldırdı

QR Aqparat jäne qoǧamdyq damu ministrı Däuren Abaev äleumettık jelıde köptıŋ talqysyna tüsken Aisūltan Rahattyŋ jazbalaryna qatysty pıkır bıldırdı, dep habarlaidy QazAqparat tılşısı «Būl mäsele boiynşa aǧaiynǧa aitqym keledı, qazır jalpy bızdıŋ qoǧamda ǧana emes, älem boiynşa ötırık pen şyn aqparatty ajyratu – ülken mäsele bolyp tūr. Keibır toptar jalǧan aqparat taratyp, ülken kompaniianyŋ, jeke adamdardyŋ, tıptı bütın bır eldıŋ abyroiyna nūqsan keltırıp jürgenın körıp jürmız. Bıraq onyŋ artynda jymysqy oi, paida köru piǧyly tūrady jäne mūndai mysaldar soŋǧy uaqytta bızdıŋ elde de köbeiıp keledı. Mūnyŋ soŋy arandap qaluǧa äkeluı mümkın. Aisūltanǧa qatysty da osyny aitqym keledı. Aǧaiyn, būl - bırınşı kezekte onyŋ anasynyŋ tragediiasy», - dedı Däuren Abaev «Aşyq dialog» baǧdarlamasynda. Ministr ana üşın balasynan asqan qymbat adamnyŋ joqtyǧyn aityp öttı. «Aitqym keletın taǧy bır maŋyzdy dünie bar, keibıreuler osy oqiǧaǧa Elbasyn da aralastyrǧysy keledı. Şu jasap, eldı dürlıktıruge tyrysady. Bıraq halyqtyŋ baǧyna tuǧan jaqsymyzdy qaŋqu sözge qalai qiiamyz? Özıŋız oilaŋyzşy, ekonomikasy qūldyraǧan, öndırısı toqtaǧan eldı 30 jylda qazırgıdei deŋgeige köteru – kımnıŋ qolynan keledı. Qazaq qaşan da elı üşın erlerdı baǧalaǧan, töbesıne kötergen, abyroiyn saqtaǧan. Babalarymyz aitqandai «betege ketse bel qalar, berekeŋ ketse neŋ qalar?» Aǧaiyn, sondyqtan berekemızdı baǧalaiyq. Jel sözge erıp, jaqsy ıstı joqqa şyǧarmaiyq», - dedı Däuren Abaev.