Qordai audanynda äskeriler bes adamdy qūtqaryp qaldy

  Äskeri qyzmetşıler Qordai audanynyŋ Sortöbe auylynda örtenıp jatqan üiden bes adamdy qūtqaryp qaldy. Kapitan Erjan Arystanbekov pen patrulde jürgen qatardaǧy äskeriler Erqanat Bazarbai men Nūrbek Düisenbin senbı saǧat 7.30 kezınde üilerdıŋ bırınıŋ şatyry janyp jatqanyn körıp qalady. "Äskeriler örtenıp jatqan üiden bes tūrǧyndy şyǧaryp aldy, onyŋ üşeuı bala. Jedel ştab oqiǧa ornyna ekı kölık jıberdı, olar üş minutta jettı", - dedı habarlady Ūlttyq gvardiianyŋ baspasöz qyzmetı. Ört şyqqan audan qorşauǧa alyndy. Ört söndıru kölıkterı apattyq-qūtqaru jūmystaryn jürgızdı. Oqiǧanyŋ män-jaiy anyqtalyp jatyr, zardap şekkender joq. Ūlttyq gvardiianyŋ äskeri qyzmetşılerı 7 aqpanda tärtıpsızdıkter bolǧan Qordai audanynda qoǧamdyq tärtıp pen qauıpsızdıktı qamtamasyz etude. Aita ketsek, qaqtyǧys saldarynan 10 adam qaza boldy, 185 adam zardap şektı. Onyŋ 34-ı auruhanaǧa jatqyzylǧan. 39 üi, 20 kommersiialyq nysan jäne 47 kölık örtenıp kettı.