AQŞ-ta jürgende ırı qalanyŋ ortalyǧyna jūmysqa ǧana keletın, köp halyq ortalyqtan 15-20 km qalaşyqtarda tūratynyn körıp taŋ qaluşy edım. Barlyq kommunikasiia bar. Metro, su, gaz, qalanyŋ ışındegı supermarketterge deiın orlasqan.
Bızdegı ırı qalalardaǧy halyqtyŋ baspana mäselesın şeşpei jaǧdai ärmen qarai qiyndai beredı. Astana, Almaty, Şymkent syndy megapolister bırınşı kezekte tūr. Astanadan Qorǧaljyn baǧytynda şyqsaŋyz midai dala bos jatyr. Suyn, jaryǧyn, joly men mektebın, auruhanasyn salyp, sol jerden ärbır üiı joq azamatqa 10 sottyq jer tegın berıp, salǧan üidıŋ aqysyn 2-3%-pen 15-20 jylda töleitın jaǧdai jasasa Qazaqstanda baspanasyz qazaq qaldyrmauǧa bolady. Qarapaiym mysal 15-20 myŋ halyq tūratyn Astanadan 15-20 km jerden 3-4 qala tektes auyldar salyp, üisızderge tegın jer berıp, taunhaustar, jer üiler tūrǧyzyp, 2-3%-ten asyrmasaŋ baspana mäselesı halyqqa arzan ärı tiımdı şeşıledı.
Almatyda qys mezgılı 2-3 aidan aspaidy, Şymkentte 1 ai qys bolsa boldy, bolmasa ol da joq. Klimat jaily. Būl megapolisterde halyqtyŋ köbı jer üige qūmar. Qaladan 10-15 km jerden 10 sottyq jerın tegın berseŋ özı-aq üi salyp alady.
Eger äleumettık salada baspana mäselesı şeşılse halyqtyŋ basym bölıgınıŋ qoldauyn aluǧa bolady. Maǧan tüsınıksız osyndai qarapaiym şeşımderdıŋ nege bızdıŋ elde jasalmaityny. Jer joq deitın Singapur emespız, aqşa joq deitın Angola emespız osyny ıske asyru sonşalyqty qiyn dep oilamaimyn Qazaqstannyŋ bailyǧymen. Astananyŋ ainalasynan 3-4 qala tektes auyldardy salyp, barlyq kommunikasiiasyn tartyp beru Qazaqstanǧa qiyn?! Men üşın būl paradoks bolar edı. Eger osyǧan şamamyz jetpese onda şynynda resursty teŋ böler menedjment, basqaru "ne to" degen söz bızdıŋ elde. Būǧan memlekettıŋ şamasy jetpeidı degenge eldı sendıru de pardoks. Bız 18 mln halyq, bır Stambulmyz! Jerı keŋ Qazaqstanda 10 sottyq jerı joq qazaq. Eto nenormalno! Mūndai ädıletsızdıkten aşynǧan halyq "H" saǧatta memlekettı qorǧamaidy. Būl aksioma.
Bauyrjan SERIKBAI
