ALAŞ AZAMATTARYNA AŞYQ HAT!
Özımız ǧana bükıl älem aldynda Qazaq-Alaş elınıŋ abyroi-bedelın qūtqara alamyz. Sol üşın osy jyly Älihan Bökeihannyŋ 150 jylǧa tolatyn mereitoiyn halyqaralyq deŋgeide laiyqty atap ötuge barşamyz bır kısıdei atsalysaiyq.
Ekı ai būryn IýNESKO-nyŋ Bas konferensiiasy Älihandy «şynaiy bükıl älemdık daŋqty tūlǧa»dep tanyp, biylǧy 150 jyldyǧyna arnalǧan mereitoilyq ıs-şaralarǧa qatysuy jaiynda Qarar qabyldady.
Älihan Bökeihan HH ǧasyr basynda qazaqtyŋ jaŋa ülgıdegı ūlttyq memleketın qūrumen qatar, onyŋ qazırgı memlekettık şekarasyn – QazaqAKSR-nyŋ (1936 jyldan keiın - QazKSR) şekarasyn belgılep, zaŋdastyru ısınde de teŋdessız tarihi rol atqardy. Osylaişa ol qazırgı Qazaqstannyŋ ırgetasyn qalap, biyl 25-jyldyǧy toilanatyn Täuelsızdıgımızge jol salyp berdı.
A.N.Bökeihan keiıngı ūrpaqqa teŋdessız bai mūra qaldyrdy (monografiialar, ırgelı zertteuler, baiandamalar, aşyq hattar, ündeuler, maqalalar, hattarjäne t.b.). L.N.Gumilev atyndaǧy EŪU-ı «Alaş» ǧylymi-zertteu instituty jäne osy joldardyŋ avtory ol mūrany 25 jyl boiy KSRO jäne QazKSR KGB-sy, RF FQQ menQR ŪQK, sondai-aq Mäskeu, S.-Peterbor, Qazan, Omby, Samara, Tom, Almaty, Semei, Taşkent qalalarynyŋ mūraǧat-muzei-kıtaphanalarynan ızdep, zerttep keledı. Bügın «Alaş» instituty «Alaşorda» qorymen bırlesıp «Älihan Bökeihan. Şyǧarmalarynyŋ 16 (18) tomdyq tolyq jinaǧyn»jäne «Älihan Bökeihan: Alaş-Ordaǧa...eşqandai sanksiia qajet emes»atty 2-tomdyq monografiiany baspaǧa daiyndady. Atalǧan kıtap pen köptomdyq jinaq qajettı qarajat tabylǧan künıdereu jaryq köredı.
1917-1920 jyldary jaŋa formatta qūrylǧan Alaş qazaq memleketı qatardaǧy qarapaiym qazaqtar men bailardyŋ qarjysyna ūiymdastyrylyp, qyzmet ıstegenın tarihymyzdyŋ özı aiǧaqtaidy.
Osy oraida, ardaqty Alaş azamattary, Otanymyzdyŋ tarihyna, jerınıŋ, ūlt azattyǧy men täuelsızdıgı jolynda janyn qiyp, qazırgı Qazaqstannyŋ qalyptasuyna öşpes üles qosqan tarihi tūlǧalarǧa nemqūraidy qaramaityn ärqaisyŋyz, Älihan Bökeihannyŋ esımın mäŋgılık este qaldyruǧa üles qosa alasyz.
«Alaşorda» qoǧamdyq qory
İİN: 000940007148
KBE: 17
Esepşot №: KZ86914398416BC11601 (KZT)
Esepşot №: KZ19914012203US000VR (USD)
Qūrmetpen,
Sūltan Han Jüsıp,
«Alaşorda» qoǧamdyq qorynyŋ direktory,
Astana, 01.02.2016 j.
