Qazaqstan Respublikasy Ūlttyq muzeiınde İ.İmanov pen O.Mazbaevtyŋ «Ūly Şoqannyŋ keruen joly» kıtabynyŋ tanystyrylymy öttı, dep habarlaidy kazmuseum.kz tılşısı Qazaqstan Respublikasy Ūlttyq muzeiınıŋ aqparattyq-imidjdık qyzmetıne sılteme jasap.
Kıtap avtory, professor Ordenbek Mazbaev jaŋa tuyndy jaily öz pıkırın bıldırdı.
«Ūly Şoqannyŋ keruen joly» degen kıtap Şoqan jürıp ötken joldarmen ekspedisiia jasap qaitqan soŋ jazyldy. Ekspedisiia Şoqan Uälihanovtyŋ 180 jyldyǧyna jäne Qaşqar saiahatyna 150 jyl toluyna orai ūiymdastyrylǧan bolatyn. Būl jolǧy ekspedisiia kölıkpen de jaiau da jürıp, Şoqan jürgen jerlerdı aralap şyqty. Ekspedisiia qūramynda ǧalymdar men Qazaq ūlttyq geografiialyq qoǧamdyq bırlestıgınıŋ müşelerı boldy» – dedı O.Mazbaev.
Kıtap Qazaq ūlttyq geografiialyq qoǧamynyŋ 2014 jylǧy 24 şılde jäne 5 tamyz aralyǧynda QHR jäne Qyrǧyzstan territoriialary arqyly ötken «Şoqan Uälihanovtyŋ keruen joly boiynşa» atty alǧaşqy halyqaralyq ekspedisiiasyna arnalǧan. Atalmyş ekspedisiia soŋǧy segız jyl ışınde jüzege asyrylǧan «Şoqan joldarymen» atty ekspedisiialar seriiasynyŋ soŋǧy sapary bolyp sanalady. Ekspedisiiaǧa qatysuşylar Şoqan Uälihanov jürıp ötken jerlerge (Qyrǧyzstan, Jetısu, Qūlja) saiahat jasady.
«Şoqan bız üşın qūbylys. Şoqan turaly būǧan deiın de zertteldı. Qazır de jazylyp jatyr. Bıraq ol azdyq etedı. Mäselen Abai men Şoqan kezdesıptı degen söz bar. Bıraq ol turaly eşkım zerttegen joq. Ekınşı mäsele, orystar Puşkinnıŋ ärbır künınıŋ qalai ötkızgenın jazady. Bızde sol siiaqty Şoqannyŋ ärbır künın qalai ötkızgenın jaily jazuymyz qajet», – dedı QR mädeniet qairatkerı, prfessor, Baqytjan Tobaiaqov.
Kıtap qazaqtyŋ ūly ǧalymy jäne aǧartuşysy – Ş.Uälihanovtyŋ 180 jyldyq mereitoiyna orailastyrylyp şyǧaryldy. Ekspedisiia müşelerınıŋ jeke jäne tıkelei saiahat barysynda alǧan äserlerı negızınde jazylǧan eŋbek jalpy köpşılık oqyrmanǧa arnalǧan.
KAZMUSEUM.KZ
