Qordaida poliseilerge qol kötergen aǧaiyndylar qamauǧa alyndy

Qordai audanynda poliseilerge qol kötergen aǧaiyndylar qamauǧa alyndy Qordai audanynda poliseilerge qol kötergen aǧaiyndy üşeu qamauǧa alyndy Qordai audanynyŋ polisiia qyzmetkerlerıne qatysty zorlyq-zombylyqty tergeu jūmystary aiaqtaldy, – dep habarlaidy " prokuraturanyŋ baspasöz qyzmetı. Prokuratura mälımetınşe, 14 aqpanda qylmystyq ıs aiyptau aktısımen Qordai audandyq sotyna joldandy. «2020 jyldyŋ 7 aqpanynda Jambyl oblysy Qordai audany Sortöbe auylynda jol polisiiasy qyzmetkerlerı patruldeu kezınde L.Voinguidıŋ basqaruyndaǧy «Honda Odissei» avtokölıgı toqtatylǧan. Kölıkke arnalǧan qūjattary bolmaǧandyqtan, L.Voinguiǧa polisiia bölımıne baru ūsynylǧan. Alaida ol ofiserlerdıŋ talaptaryn oryndamai, üiıne qarai bet alǧan jäne keiınnen aǧalary A. Voingui jäne M. Voinguimen bırlesıp polisiia qyzmetkerlerıne qarsy zorlyq-zombylyq jasaǧan. Osy oqiǧanyŋ videosy būqaralyq aqparat qūraldary men äleumettık jelılerde taratylǧan bolatyn», – delıngen habarlamada. Atalǧan faktı boiynşa Bas prokuraturanyŋ arnaiy prokurory qylmystyq kodekstıŋ 380-babynyŋ 1-bölıgı («bilık ökılıne qatysty küş qoldanu») boiynşa sotqa deiıngı tergeu jürgızdı. Vedomstvo mälımetınşe, üş aiyptaluşy öz kınäsın tolyq moiyndap, tergeu sotymen qamauǧa alyndy. Būǧan deiın polisiia jergılıktı tūrǧyndar poliseilerge şabuyl jasaǧany turaly habarlaǧan bolatyn. Sol kezde qūqyq qorǧau organdary şabuylǧa qatysqan ekı adamdy tūtqyndady.