Qordaıdaǵy qaqtyǵysqa qatysty 90-qa jýyq qylmystyq is qozǵaldy, olardyń 11-i - adam óltirý deregi boıynsha. Bul týraly ishki ister mınıstriniń birinshi orynbasary Marat Qojaev aıtty, - dep habarlaıdy Tengrinews.kz tilshisi.
"Búginde 100-den asa adamnan jaýap alyndy, proessýaldyq is-sharalar júrip jatyr. Qajetti saraptamalar taǵaıyndaldy. Barlyq qajetti proessýaldyq dálelderdi alǵan soń kináliler jaýapkershilikke tartylady", - dedi Qojaev.
"Qylmystyq ister óte kóp, oǵan qosa, kúndelikti taǵy qosylyp jatyr. Sebebi qaqtyǵysqa qatysty jańa derekter shyǵyp jatyr. Búginde 90-qa jýyq qylmystyq is qozǵaldy", - dedi ol.
Vedomstvo ókili naqty qansha adamnyń ustalǵany jaıly málimetti keıinirek aıtýǵa ýáde berdi.
Eske salaıyq, 7 aqpanda Jambyl oblysy Qordaı aýdany Masanchı aýylynda turǵyndar arasynda jappaı tóbeles bolǵan edi. Jappaı tóbeleske 300-ge jýyq adam qatysqan. Aýqatty aýyly jáne Bulan Batyr aýyldarynda janjal shyqty. Buzaqylar metall zattaryn, atys qarýyn qoldanǵan bolatyn.
