Qordaidaǧy qaqtyǧys: 90-qa juyq qylmystyq ıs qozǧaldy

Qordaidaǧy qaqtyǧysqa qatysty 90-qa juyq qylmystyq ıs qozǧaldy, olardyŋ 11-ı - adam öltıru deregı boiynşa. Būl turaly ışkı ıster ministrınıŋ bırınşı orynbasary Marat Qojaev aitty, - dep habarlaidy Tengrinews.kz tılşısı. "Bügınde 100-den asa adamnan jauap alyndy, prosessualdyq ıs-şaralar jürıp jatyr. Qajettı saraptamalar taǧaiyndaldy. Barlyq qajettı prosessualdyq dälelderdı alǧan soŋ kınälıler jauapkerşılıkke tartylady", - dedı Qojaev. "Qylmystyq ıster öte köp, oǧan qosa, kündelıktı taǧy qosylyp jatyr. Sebebı qaqtyǧysqa qatysty jaŋa derekter şyǧyp jatyr. Bügınde 90-qa juyq qylmystyq ıs qozǧaldy", - dedı ol. Vedomstvo ökılı naqty qanşa adamnyŋ ūstalǧany jaily mälımettı keiınırek aituǧa uäde berdı. Eske salaiyq, 7 aqpanda Jambyl oblysy Qordai audany Masanchi auylynda tūrǧyndar arasynda jappai töbeles bolǧan edı. Jappai töbeleske 300-ge juyq adam qatysqan. Auqatty auyly jäne Būlan Batyr auyldarynda janjal şyqty. Būzaqylar metall zattaryn, atys qaruyn qoldanǧan bolatyn.