Keşe Feisbuk äleumettık jelısınde Bekbei Bek esımdı azamat bügın Zaisanda koronaviruske bailanysty jürttyŋ dürlıgıp ketkenı turaly jazyp aqparat qaldyrǧan bolatyn. Ol öz jazbasynda: "Zaisan audanynyŋ Saryterek auylynyŋ tūrǧyndary bügın 19.02.2020 saǧat 15:00 narazylyqpen auyldyŋ ambulatoriiasynyŋ aldyna jinaldy. Bükıl bır auyldyŋ tūrǧyndary narazylyqa jinaldy. Auyldyŋ tūrǧyndaryn eş eskertusız audandyq auruhananyŋ bas därıgerı men onyŋ orynbasarlary "mynau būiryq" dep bır japyraq qaǧazben erteŋ taŋerteŋ Qazaqstan men Qytai memleketınıŋ Maiqapşaǧai şekara beketınen avtobuspen Qytaidan berı kelgen jolauşylardy Qytaidaǧy aty şuly koranovirusqa bailanysty Qytaidan kelgen adamdardy 14 künge Zaisandaǧy Saryterek auyldyq ambulatoriiasyna jatqyzyp baqylau jasamaq eken. Al auyldyq ambulatoriiasyn auyldyq mädeniet üiıne köşırmek . Ambulatoriiaǧa şekaradan kırgen jolauşylardy jatqyzbaq. auyl halyqty audan bilıgı, jauapty mekemeler qūlaqtandyru jūmysyn jürgızbegenıne, auyl halqy şulap, auyl aqsaqaldary "bızdı adam sanap otyrǧan joqsyŋdar" dep audan äkımdıgı audan äkımı S.Aqtanovtyŋ keluın talap ettı"-degen bolatyn.
Bügın osy oqiǧǧaǧa bailanysty Zaisanǧa Şyǧys QAzaqstan oblysynyŋ äkımı Danial Ahmetov keldı. Jinalǧan halyq äkımge "Bızben aşyq türde jinalys etudı sūraimyz. Talabymyz şekara jabylsyn, Maiqapşaǧai beketınıŋ jabyluyn talap etemız" dedı.
Öz kezegınde Şyǧys Qazaqstan oblysynyŋ äkımı Danial Ahmetov "Esterıŋızde bolsyn, şekaradan bırde-bır şetel azamaty ötpeidı. Şekaradan tek qana Qazaqstannyŋ azamaty keledı. Olar bızdıŋ tuystarymyz, balalarymyz boluy mümkın. Ol bızdıŋ qanymyz ǧoi. Erteŋ olardy jıbermesek, qalai bolady? Şekaradan tek qazaqstandyqtar ǧana ötedı. Olarmen arnaiy jūmys ısteimız",-dedı.
"Adyrna" ūlttyq portaly
https://youtu.be/AHqfaFVP5ok
