Şamamen bır apta būryn petropavldyq otbasy Tailandtan ekı aptalyq demalystan keiın oralǧan bolatyn. Bırneşe künnen keiın qala tūrǧyndarynyŋ jaǧdaiy naşarlap, olar medisinalyq kömekke jügındı, dep habarlaidy Petropavlovsk.news.
Oblystyq balalar auruhanasynyŋ bas därıgerı Oleg Zavialovtyŋ aituynşa, otbasy elge qalypty temperaturamen, virustyq jäne respiratorlyq aurulardyŋ belgılerınsız oralǧan. Qalaǧa oralǧandaryna 5 kün ötken soŋ olar älsızdık sezıne bastaǧan. Keiınırek bır kün būryn ata-analar tūmauratyp, jötelı men temperaturasy bar adammen bailanysqa tüskenı belgılı boldy.
- Kelesı künı aldymen balalarda, sodan keiın ata-analarda virustyq infeksiianyŋ klinikalyq belgılerı paida bolady – temperatura, jötel, mūrynnyŋ aǧuy, denenıŋ auyruy jäne t.b. 3 künnen keiın olar em taǧaiyndaǧan uchaskelık därıgerge jügındı. Alaida kelesı künı jaǧdailary jaqsarmaǧan soŋ, därıger olardy infeksiialyq bölımge jatqyzuǧa şeşım qabyldady », - dedı Oleg Zavialov.
Ol, sonymen qatar, äleumettık jelılerdegı nauqastar men därıgerler arnaiy kiımde jürgen videoǧa da tüsınıkteme berdı. Memlekette adam densaulyǧynda koronavirustyq infeksiiaǧa küdık tuyndaǧan kezde alǧaşqy kömek körsetu algoritmı özgertılgenı belgılı boldy.
- Eger būryn arnaiy kostiumder tek Qytaidan koronavirus küdıgıpen kelgen adamdarǧa arnalǧan bolsa, endı būl ereje olar jūqtyrǧandaryn anyqtaǧan elderge, sonyŋ ışınde Tailandqa da qatysty. Sondyqtan jedel järdem mamandary osy ūsynystardyŋ aiasynda arnaiy qorǧanys qūraldaryn qoldana otyryp äreket ettı», - dedı O.Zavialov.
Jedel järdemnen koronavirusqa küdık bar nauqastardyŋ jetkızıluı turaly aqparat balalar infeksiia bölımıne keldı. Būl bölımnıŋ kışı jäne orta medisinalyq qyzmetkerlerınıŋ barlyǧy tiıstı forma kiıngen. Nauqastar jalpy kıreberısten emes, Melser qoraptary ornalasqan bırınşı qabatqa jetkızıldı, al ol jaqqa köşe jaqtan da, bölımnen de kıruge bolady.- Bız zerthanalyq zertteulerge materialdar aldyq, bıraz uaqyttan keiın koronavirus infeksiiasynyŋ boluy joqqa şyǧarylǧany belgılı boldy. Osy otbasynyŋ tört müşesınıŋ barlyǧy A-tūmauyna şaldyqqandyǧy anyqtalyp, rastaldy, qazırgı uaqytta äkesı eresek infeksiia bölımınde emdelude, anasy ekı balamen balalar infeksiiasy bölımınde jatyr, - dedı auruhananyŋ bas därıgerı. Onyŋ aituynşa, nauqastardyŋ jaǧdaiy tūraqty. Olar barlyq emdı A-tūmauyna qarsy medisinalyq kömek standartyna säikes QR Densaulyq saqtau ministrlıgı anyqtaǧan algoritm men shema boiynşa alyp jatyr.
"Adyrna" ūlttyq portaly
