QR Ūlttyq muzeiınde dästürlı küişı Janǧali Jüzbaidyŋ därıs-konsertı öttı, dep habarlaidy muzeidıŋ aqparattyq-imidjdık qyzmetı. Şertpe küidıŋ şeberı Janǧali Jüzbai bügıngı taŋda qazaqtyŋ ūlttyq önerınıŋ damu barysyn söz ete kele, qazaq halqynyŋ ömırınde dombyranyŋ ülken röl atqaratynyna toqtalyp öttı.
-Qazaq küilerı el tarihynyŋ jylnamasy, şejıresı dep jatamyz. Sondyqtan da Ketbūǧa, Sügır sekıldı babalarymyzdyŋ mūrasyn jaŋǧyrta beruımız kerek. «Ūlttyq öner damymai jatyr» degen sözderdı estıp qalyp jatamyz. Bıraq olai emes, jetıspei jatqany jarnama ǧana. Dese de önerdıŋ joly, onyŋ ışınde ūlttyq önerdıŋ joly öte auyr. Onyŋ özındık qiyndyqtary bar. Alaida qazaqtyŋ ūlttyŋ bolmys-bıtımı, jalpy tabiǧaty osy küi önerınde körınıs tapqan, saqtalǧan. Sol sebeptı de keşegı ūlylardan qalǧan muzykanyŋ bır dybysyn da būzbai oinau ülken jauapkerşılıktı qajet etedı, - dedı J.Jüzbai.
Keşte Janǧali Jüzbaidyŋ Abylaihan Ormanbek, Talǧar Ǧalymjan, Aqjusan İmanǧazyqyzy sekıldı şäkırtterı tehnikalyq tūrǧydan asa qiyn küilerdı oryndap, jinalǧan qauymdy erekşe küige böledı.
Aita öteiık,«Halyq qazynasy» ǧylymi-zertteu institutynyŋ qazaq halqynyŋ dästürlı muzykalyq önerın jaŋǧyrtu men nasihattauǧa arnalǧan «Dästürlı muzykalyq mūra» atty baǧdarlamasy aiasynda ötken mūndai şaralar aldaǧy uaqytta da jalǧasyn tabady.
