Bügın prezident jarlyǧymen Darhan Käletaev Qazaqstannyŋ Ukrainadaǧy elşısı bolyp taǧaiyndaldy dep habarlady Aqorda.
Käletaev būǧan qosa, Qazaqstannyŋ İordaniia, İrak jäne Palestinadaǧy elşısı bolyp taǧaiyndalǧan.
Būǧan deiın Qazaqstannyŋ Ukraina men Moldovadaǧy elşısı bolǧan Samat Ordabaev qyzmetınen bosaǧan.
Käletaev 2019 jyly nauryz ben jeltoqsan ailarynda prezident äkımşılıgı jetekşısınıŋ orynbasary bolǧan. Qaletaev būl qyzmetke nauryz aiynda būrynǧy prezident Nūrsūltan Nazarbaev otstavkaǧa ketıp, ornyna Qasym-Jomart Toqaev kelgennen keiın taǧaiyndalǧan edı. Ol 2018 jyldyŋ şılde aiy men 2019 jyldyŋ aqpan aiy aralyǧynda qoǧamdyq damu ministrı bolǧan.
Eŋbek jolyn 1995 jyly bastaǧan ol är jyldary prezident äkımşılıgınde, «Nūr Otan» partiiasynda, «Samūryq-Qazyna» ūlttyq äl-auqat qorynda qyzmet etken. 2016 jyldyŋ qazan aiynda parlament senatynyŋ deputaty bolǧan.
"Azattyq" radiosy
