Qoldauşy elı bolmasa memleket te joq. Halyqtyŋ köŋılınen şyqpaǧan reformanyŋ da nätijesı oŋ bolmaidy. Adamzat tarihyndaǧy alyp imperiia Keŋes odaǧynyŋ qūlauy būǧan naqty dälel. Kompartiianyŋ 70 jyldyq ideologiiasyna qaramai memleket ainalasy 1-2 jylda joq boldy. Sondyqtan halyqtyŋ senımı kez kelgen saiasatker üşın, bilık pen memleket üşın öte maŋyzdy.
Qazır bızdıŋ qoǧamǧa jas tūlǧalar, jastardyŋ jaŋa saiasi tolqyny kerek. Halyq tarapynan būǧan sūranys öte joǧary. El özgerıstı qalaidy. Saiasi arenada qazaqtyŋ jas tarlandaryn körgısı keledı. Būl zaŋdylyq. Eldıŋ damuyna özındık üles qosa alar jastarǧa halqymyz eşqaşan kende bolmaǧan.
Menıŋ oiymşa saiasi reformalardy jürgızu jastardyŋ jaŋa buynynyŋ bilıktıŋ üş tarmaǧyna keluımen qatar jüruı tiıs. Eskı saiasatkerler men jattandy sözderdı qaitalai beretın köne sözdermen eldı jaŋǧyrta almaimyz. Qainap jatqan qazannyŋ qaqpaǧyn töbesınen basyp ta ūzaq ūstap tūra almaisyŋ.
Saiasi prosesterge jastardy, jaŋa tūlǧalardy tartyp, kreativtı oilarymen elge qyzmet etuge mümkındıkterın aşu kerek. Būl saiasi reforma, pliuralizm men jaŋa saiasi mädeniettı qalyptastyrudyŋ ajyramas bır bölıgı boluy tiıs.
