Qazaqstanda tūratyn barlyq ūlt bırtūtas ūlt bolyp sanalady

Būl turaly Qazaqstan Prezidentı Qasym-Jomart Toqaev Informburo-ǧa bergen sūhbatynda mälımdedı. Toqaev Jambyl oblysy Qordai audanyndaǧy jappai qaqtyǧysqa qatysty tüsınıkteme berdı. "Erteŋ, 1 nauryz, men jūmys saparymen Jambyl oblysyna baramyn. Qordai audanyndaǧy qazaqtar men düngender tūratyn auyl tūrǧyndarymen kezdesudı josparlap otyrmyn. Bız ūltaralyq, etnosaralyq qatynastar mäselelerıne degen közqarasymyzdy tereŋdep oilauymyz kerek", - dep mälımdedı Prezident. Onyŋ aituynşa, Qazaqstan dostyq pen kelısımnıŋ aumaǧy boldy jäne bolady. "Bızdıŋ ūran: Bırlık. Mūnda tūratyn barlyq ūlttar, etnikalyq toptar bırtūtas ūlt bolyp tabylady. Şetelde bızdı "qazaqtar" dep bıledı, öitkenı bızdıŋ memlekettıŋ atauynda osy söz estıledı. «Ärine, Qazaqstanda tūraqty tūratyn ärbır etnostyŋ özındık erekşelıgıne qastandyq jasau turaly söz bola almaidy. Olardyŋ barlyǧy öz tılderın oqyp-üirenuge jäne qoldanuǧa, mädenietterdı damytuǧa, ädet-ǧūryptardy saqtauǧa qūqyly. Sonymen qatar, bolaşaqta ūltaralyq qarym-qatynas tılı boluǧa baǧyttalǧan qazaq tılın jedel damytu qajet", - dep atap öttı Toqaev. Memleket basşysy "älemdık ǧylym men mädeniettegı bılımge jol aşqan orys tılınıŋ tarihi maŋyzyn" joqqa şyǧarmaidy. "Qazaqstan tūrǧyndary ony joǧary deŋgeide bıluı tiıs. Būl bızge tek paida", - dedı ol.