Qazaq tarihynda tūŋǧyş ret Almaty qalasynda dästürlı öner teatry aşyldy. Būl öner ordasynyŋ Täuelsızdıktıŋ 25 jyldyǧy men Almaty qalasynyŋ 1000 jyldyǧy aiasynda şymyldyǧy türılıp otyr. Atauly öner oşaǧy halqymyzdyŋ közınıŋ qaraşyǧyndai saqtap kele jatqan ūlttyq mūralarymyzdy jaŋǧyrtudy basty mūrat etedı.
Almaty qalasyna Bauyrjan Baibek myrza äkım bolyp kelgennen bastap qazaq ruhaniiatynyŋ damuyna erekşe jaǧdai jasap jatyr. Osy ısterınıŋ eŋ basynda – «Alatau» dästürlı öner teatrynyŋ aşyluy tūr. Öner oşaǧynyŋ aşylu saltanatynda söz söilegen qala äkımı: «Qazaq mädenietı qairatkerlerınıŋ bırneşe buyny äsem qalamyzda ömır sürıp, özderınıŋ ölmes tuyndylaryn düniege äkeldı. Mıne, osyndai mädeniet pen önerdıŋ kielı ortalyǧy, dästürlı şyǧarmaşylyqtyŋ qasiettı şaŋyraǧy, oŋaşa otauy boluy tiıs edı. «Alatau» dästürlı öner teatryn isı qazaq üşın asa maŋyzdy än, jyr-terme, küi, aitys jäne ūlttyq kino siiaqty aituly bes baǧytta qyzmet etetın, osy sala maitalmandarynyŋ basyn qūraityn şaŋyraq bolady dep ümıttemın» – dedı.
«Sazgen sazy» ansamblınıŋ küiımen bastalǧan koserttı halyq erekşe yqylaspen tyŋdady. Ramazan Stamǧaziev, Nūrjan Janpeiısov, Säule Janpeiısova, Aigül Qosanova, Ūljan Baibosynova, Janqoja Aiapovtar tärızdı önerpazdar än-jyrdan şaşu şaşty. Aitysker aqyndar Mūhtar Niiazov pen Aspanbek Şūǧataevtar tamaşa aitys jasady. Nūrgül Amantaiqyzy jetekşılık etetın «Arnau» folklorlyq ansamblınıŋ jas önerpazdary da jūrt köŋılınen şyqty.
Ūljan Baibosynova, jyrşy:
- Dästürlı änşı-jyrşylar üşın ülken quanyş, zor maqtanyş. Būl teatr änşılık, jyrşylyq, küişılık mūralarymyzdyŋ damuyna mol ülesın qosady. Mūndai teatrdy köptegen jyl boiy armandap keldık. Endı, mıne, sol tılegımız oryndaldy.
Teatrǧa jinalǧan jūrtşylyq Qazaq muzykalyq aspaptar muzeiı men «Şerter» ūlttyq saz aspaptar kompaniiasynyŋ ūsynǧan qolöner körmesın tamaşalady. Körmege dauylpaz, adyrna, sazsyrnai, qobyz sekıldı qazaqtyŋ barlyq ūlttyq aspaptary qoiylǧan eken.
Jasūlan NAURYZÄLI
