Qazaqstandyq faıter Shavkat Rahmonovtyń UFC-degi debıýttik jekpe-jegi keıinge qaldyryldy, dep habarlaıdy Prosports.kz.
Sportshy UFC týy astyndaǵy alǵashqy kezdesýin Fight Night 171 týrnıri aıasynda ótkizýi kerek edi. Bul kesh 21 naýryzda Londonda (Ulybrıtanııa) ótedi dep josparlanǵan. Alaıda koronavırýs pandemııasyna baılanysty kompanııa basshylyǵy jekpe-jek keshin AQSh-ta ótkizýge sheshim qabyldady. Rahmonovtyń Amerıkaǵa vızasy bolmaǵandyqtan, bul keshke qatysa almaıdy.
Bul týraly Shavkattyń menedjeri Saıat Abdrahmanov málimdedi.
- Ókinishke qaraı, vırýsqa baılanysty Londondaǵy týrnır AQSh-qa aýystyryldy. Shavkattyń jumys vızasy bolmaǵandyqtan, onyń jekpe-jegi ótpeıtin boldy. Bul týraly maǵan bir saǵat buryn habarlady. Shavkat bul týraly áýejaıda bildi, - dep jazdy sportshynyń menedjeri Instagram jelisindegi paraqshasynda.
Aıta keteıik, Shavkat Rahmonov - amerıkanlyq ataqty promoýshenmen kelisimshartqa otyrǵan
