Aqordanyŋ resmi saitynda "Äleumettık-ekonomikalyq tūraqtylyqty qamtamasyz etu jönındegı şaralar turaly" jarlyqtyŋ mätını jariialandy
NŪR-SŪLTAN, 16 nauryz – Sputnik. Qazaqstan prezidentı Qasym-Jomart Toqaev daǧdarys jaǧdaiy kezınde zaŋnamalyq aktılerge özgerıster men tolyqtyrular engızuge qatysty ükımetke bırqatar tapsyrma berdı, dep habarlaidy Sputnik Qazaqstan.
Resmi mälımetke säikes, osy qūjat Konstitusiianyŋ 44-baby men "Qazaqstan Respublikasynyŋ Prezidentı turaly" konstitusiialyq zaŋ negızınde qabyldandy.
Negızgı maqsat - halyqtyŋ ömırı men densaulyǧyna, konstitusiialyq qūrylysqa, qoǧamdyq tärtıptı saqtauǧa, memlekettık apparattyŋ tūraqty jūmys ısteuıne qauıp töndıretın nemese töndıruı mümkın daǧdarysty jaǧdailar kezınde memlekettık basqaru deŋgeilerı arasyndaǧy ökılettıkterdı ajyratu.
Osylaişa, Qazaqstan prezidentı memlekettıŋ ışkı jäne syrtqy saiasatynyŋ negızgı baǧyttaryn aiqyndaityn, el ışınde jäne halyqaralyq qatynastarda Qazaqstan atynan ökıldık etetın joǧary lauazymdy tūlǧa retınde äleumettık-ekonomikalyq salada kelesı mäseleler boiynşa özgeşe tärtıppen memlekettık organdarǧa tapsyrma beruge nemese tiıstı aktılerdı qabyldauǧa qūqyly:
- Qazaqstan Respublikasynyŋ Konstitusiiasynda rettelgen mäselelerdı qospaǧanda, memlekettık organdar men kvazimemlekettık sektor subektılerınnıŋ qyzmetı jäne olardy ūiymdastyru jūmysy;
- salyq salu, memlekettık biudjettı qalyptastyru, naqtylau jäne paidalanu;
- halyqtyŋ jäne ekonomikanyŋ üzdıksız tynys-tırşılıgın qamtamasyz etu üşın qajettı tauarlardy äkelu jäne äketu;
- memlekettık menşıktı basqarudy ūiymdastyru;
- eŋbekaqy töleu, azamattardyŋ äleumettık qorǧaluy, memlekettık äleumettık jäne medisinalyq qamtamasyz etu, medisinalyq jäne äleumettık saqtandyru jüiesı men şarttaryn qalyptastyru;
- şektı tarifterdı jäne halyqtyŋ jäne ekonomikanyŋ üzdıksız tynys-tırşılıgın qamtamasyz etu üşın qajettı azyq-tülık pen basqa da tauarlarǧa baǧalardy belgıleu;
- baqylaudy jäne qadaǧalaudy jüzege asyru;
- lisenziialau, rūqsattar jäne habarlamalar;
- memlekettık satyp aludy jüzege asyru;
- qūqyq tärtıbın qamtamasyz etu;
- qarjy naryqtary men qarjy ūiymdary;
- eldıŋ halyqaralyq mındettemelerın ıske asyru;
- monopoliiaǧa qarsy zaŋnama jäne bäsekelestıktı qorǧau;
- QR Konstitusiiasy, Qazaqstan prezidentı men ükımetınıŋ aktılerı jäne zaŋdarynda qarastyrylǧan özge de funksiialar men baǧyttardy jüzege asyru.
