Atyrauda million medisinalyq maskany zaŋsyz satpaq bolǧan

Atyrauda maskalardy joǧary baǧamen zaŋsyz satu faktısı anyqtaldy, dep habarlaidy Tengrinews.kz qarjy monitoringı komitetınıŋ baspasöz qyzmetıne sılteme jasai otyryp. Habarlanǧandai, jedel-ızdestıru şaralaryn jürgızu barysynda QR QM Qarjy monitoringı komitetınıŋ Atyrau oblysy boiynşa Ekonomikalyq tergeu departamentı zaŋsyz käsıpkerlık qyzmet faktısın anyqtady. «Qazaqstan Respublikasynda tötenşe jaǧdai kezınde Atyrau qalasyndaǧy azamattar toby jalpy somasy 313 million teŋgege 1 million dana medisinalyq maskalardy satumen ainalysqan», - delıngen habarlamada. Atalǧan faktı boiynşa sotqa deiıngı tergeu bastaldy. Vedomstvoda medisinalyq maskalar men antiseptikalyq qūraldardy satu kezınde baǧany negızsız köteru faktılerınıŋ kuägerlerı QR QM Qarjy monitoringı komitetı – 8 (7172) 70-84-78, Atyrau oblysy boiynşa ED – 8-7122-35-42-10 senım telefonyna habarlasa alatynyn eske saldy. Būǧan deiın habarlanǧandai, Nūrsūltan tūrǧyndar medisinalyq maskalardy joǧary baǧamen satqany üşın ūstaldy. Olar 55 myŋ dana maskalar partiiasyn satuǧa tyrysty.