Erkelep boldyq qoi, jetetın şyǧar?!

Būrynnan aityp jüretın bır mysalym bar edı. Aitalyq, balaŋyz sızge erkelep qystykünı balmūzdaq sūraidy. Sız balaŋyzdyŋ densaulyǧyn oilap, oǧan balmūzdaq äpermeisız. Ol doldanyp jylaidy. Sız ony jūbatasyz, aldandyrasyz, sosyn aqylyna jügınıp “tamaǧyŋ auyrady, bolmaidy, balam” dep tüsındıresız. Erke balaŋyz oǧan da könbei, jer tepkılei bastaidy. Sol kezde sız ūrysasyz. Balaŋyz ūrysqan sözıŋızge pysqyryp ta qaramaidy. Sonda sız ne ısteisız?! Dūrys, kötenınen salyp-salyp jıberesız. Bala qoryqqanynan erkelıgın qoiady. Bala sızge uaqytşa renjıp būrtiǧanmen, sız ony aurudan saqtap qaldyŋyz. Qūdai men adamzattyŋ qarym-qatynasy da osyǧan ūqsas. Dūrys ömır sür, qorşaǧan tabiǧatqa meiırımmen qara, berılgen dünienı jauapkerşılıkpen paidalan, qūtyrma, “adamzattyŋ bärın süi, bauyrym dep”, materialdyq düniege köp boi aldyrǧannan görı, ruhani ös dep talai ret Täŋır tarapynan aityldy emes pe?! Tyŋdaǧan qaisymyz bar?! “Mä, endeşe!” boldy sosyn. Endı jatyrmyz, ne bolar eken dep. Qūr jatpaiyq oilanaiyq, tüisıneiık, tübegeilı ıştei de syrttai da özgereiık. Erkelep boldyq qoi, jetetın şyǧar?! Közge körınbeitın bittei ǧana viruspen ekı-üş aida qalai adamzatty tärbieledı Qūdai?! Vot! Özımız de köp närsenı tez tüsındık. Erkındık pen aralas-qūralastyqtyŋ, qauıpsızdık pen üreisız ömır sürudıŋ qadırın az uaqytta sezınıp ülgerdık. Osymen “aiuǧa namaz üiretken taiaq” ädısı toqtasa eken dep oiyrmyz. Būl qataŋ sabaqtyŋ tezırek toqtau sız ben bızge bailanysty, bauyrlar...