BAIDYŊ MALYN BAIQŪS QYZǦANADY nemese ALMATYDAǦY JŪQPALY AURULAR AURUHANASYNAN TAǦY DA ŞU ŞYQTY
QR Prezidentı Q. Toqaevtyŋ Tötenşe jaǧdai kezeŋın qamtamasyz etu Memlekettık komissiiasyna koronaviruspen küres jürgızıp jatqan medisina qyzmetkerlerınıŋ jalaqysyna üsteme aqy töleu turaly bergen tapsyrmasyn estıgende quanyp qalǧanbyz. Sebebı, bızdıŋ bärımız üide tyǧylyp otyrǧanda aty jaman ındetpen alǧy şepte alysyp jatqan solar bolǧandyqtan, eŋbekterı eskerılse deisıŋ ǧoi.
Sol maqsatpen, būǧan deiın İ.Jekenova atyndaǧy Almaty qalalyq jūqpaly aurular auruhanasy qyzmetkerlerınıŋ «Otyrar» qonaqüiıne ornalasqanymen, olardyŋ tamaqpen, arnaiy kölıkpen qamtylmaǧany jabyla kötergennıŋ arqasynda ǧana ondaǧy 60 astam qyzmetker üş mezgıl tamaqpen jäne avtobuspen qamtylǧan bolatyn.
Endı bügın taǧy şu şyǧyp otyr. Atalǧan auruhananyŋ aurularmen tıkelei jūmys jasap, test alatyn laborotoriiasy men virustarmen tıkelei jūmys jasaityn bakteriialyq laborotoriiasynyŋ qyzmetkerlerı memlekettık komissiia bekıtken üstemaqydan qaǧylyp otyr eken! Tıptı, qalany karantinge japqanǧa deiın, aurulardyŋ bärın qala syrtyndaǧy tuberkulez dispanserlerı sekıldı oqşaulau ortalyqtarynda ūstaǧan kezden bastap, tynbastan öz aiaqtarymen baryp synama alǧan būl qyzmetkerler älı künge deiın tynbastan nauqastarmen jäne viruspen tıkelei kontaktıde bolyp keledı.
Būl degenıŋız – NONSENS qoi! Sonda, virus jūqtyrdy degen küdıkpen auruhana äkelınetın ärbır adamnyŋ diagnozyn anyqtaumen tıkelei ainalysatyn därıgerlerge bermegende, kımge bereiın dep otyr ol üstemaqyny?!! Älde jūmystarynyŋ qauıptılıgın bıldıru üşın de bır-ekı qyzmetker älgı ındettı jūqtyruy qajet pe (betı aulaq)? Jalpy osy ALA QOIDY BÖLEK QYRQU KIMGE KEREK BOLYP OTYR?!!
Tıptı, qajet bolsa, ärbır qaladaǧy qazırgı taŋda koronaviruspen tıkelei küresıp jatqan jūqpaly auruhanalardyŋ (infeksionnye bolnisy) ärbır qyzmetkerı būl ötemaqydan qūr qalmau kerek dep esepteimın. Sebebı, Alla saqtasyn, eger eldegı jaǧdai kürt naşarlasa, sız ben bızdıŋ, jaqyndarymyzdyŋ janymyzǧa araşa bolatyn solar jäne olar elımız boiynşa sonşalyqty köp te emes. Būl mäselenı jan-jaqty köterıp, barynşa tarataiyq, dostar!
Nūraddin Sadyqov
