Búginde naýqastyń ózinen emes, onymen baılanysta bolǵan bir kisiden 10 adamnyń ınfekııa juqtyrý oqıǵalary bar
Qazaqstannyń bas sanıtar dárigeri Aıjan Esmaǵambetova koronavırýstyń eldiń ishinde taraı bastaǵanyn eskertti, dep habarlaıdy Sputnik Qazaqstan .
"Qurmetti qazaqstandyqtar, mańyzdy bir máselege nazar aýdarǵym keledi, búginde 369 naýqastyń ishinde 91 adam ǵana shetelden aýyryp kelgen. Qalǵany – osynda júrip, vırýsty jaqyn qarym-qatynas arqyly juqtyrǵandar. Bul degenimiz, ınfekııa eldiń ishinde tarap jatyr", - dedi Esmaǵambetov búgingi onlaın brıfıngte.
Onyń aıtýynsha, búginde naýqastyń ózinen emes, onymen baılanysta bolǵan bir kisiden 10 adamnyń ınfekııa juqtyrý oqıǵalary bar.
"Vırýs tez juǵady. Bir adam ınfekııany tórt adamǵa deıin tarata alady. Sondyqtan karantın sharalaryn qatań saqtaý qajet. Qazirgi kezde ondaı sharalar barlyq aımaqtarda qolǵa alyndy. Karantın degenimiz, ol - barlyq qarym-qatynasty doǵarý. Sol sebepti úıde bolyńyzdar, qurmetti azamattar. Dalaǵa azyq-túlik pen dári-dármek alýǵa ǵana shyǵyńyzdar", - dep atap kórsetti Esmaǵambetova.
Osy oraıda bas sanıtar jeke gıgıena talaptaryn saqtaýdyń mańyzdylyǵyn erekshe atap ótti. Dalaǵa shyqqanda qolmen betti jáne kózdi ustaýǵa bolmaıdy. Adamdarmen sóılesip turǵanda, kem degende, eki metr alshaq turý qajet. Antıseptıkti qoldanyp júrý kerek. Al aýrýdyń alǵashqy belgileri baıqalsa, birden jedel járdemdi shaqyrǵan durys.
