Karantin: Almatyda 2 myŋ taksi ǧana qyzmet körsetedı

Almatyda karantin uaqytynda ekı myŋ ǧana taksi kölıgı qyzmet körsetedı. Būl turaly Almaty qalasy öŋırlık kommunikasiialar qyzmetınde  qala äkımınıŋ bırınşı orynbasary Erlan Qojaǧapanov aitty, dep habarlaidy "Adyrna"ūlttyq  portalynyŋ tılşısı. Erlan Qojaǧapanov 1 säuırde 900 qala tūrǧyny taksi qyzmetıne jügıngenın, sol sebeptı lisenziia alǧan taksi kompaniialarynyŋ 2 myŋ kölıgı qala tūrǧyndarynyŋ sūranysyna jauap bere alatyndyǧyn aitty. "Özderıŋız bılesızder, karantinge bailanysty köptegen basqa aimaqtyŋ tūrǧyndary öz aimaǧyna kettı. Olardyŋ köbı taksi jürgızumen ainalysty. Keibırı qaldy. Bız taksi mäselesın bylai şeştık: bırınşıden, qalamyzda 200-den astam resmi taksi bar. Sosyn Uber, Iаndeks, İndraiver kompaniialarynda 80 myŋnan astam klient bar. Soŋǧy 20 künnıŋ ışınde belsendı jürgen taksomotorlardy, sosyn klient bergen eŋ ülken reitingını qarap, karantin uaqytynda 2 myŋ ǧana taksidı qaldyramyz. Keşe (1 säuır)  osy kompaniialarǧa 900 ǧana şaqyru tüstı. Sondyqtan osy 2 myŋ kölık jetıp jatyr". "Soŋǧy ekı jūmanyŋ ışınde Iаndeks pen Uber kompaniialaryna köptegen sūraq tüsude. Bızdıŋ otandastarymyz lisenziia sūraityn körınedı, oǧan aqşa töleimız deitın körınedı. Osy 2 000 kölıkten basqa taksimen ainalysamyn degen kölıkterge tyiym salyndy. Sondyqtan eşqandai lisenziia berılmeidı. Ol - qate", - dep qosty Erlan Qojaǧapanov. Qazırgı kezede Almaty qalasynda koronavirus ındetın jūqtyrǧan 90 adam bar. Elımız boiynşa anyqtalǧandar sany - 402. Koronavirustan 27 adam adam jazylyp, 3 adam qaitys boldy.