Basynda Bırtanovtyŋ virusqa qarsy strategiiasy öte sättı körınıp edı. Söz joq eldı der kezınde şektedı, şara qoldandy. Bıraq KV-ny elge ūşaqpen "sepkenı" jön bolmady. Ündıstandaǧylardy Tarazǧa tögıp edı erteŋınde bırneşe nauqas tırkeldı, odan keiın Atyrau... endı tynyş jatqan Taldyqorǧanǧa arab jerınde jürgen jüzden asa adamdy tüsırmek. Därıgerlerdıŋ şamasy şamaly ekenın, kiım, apparat jetpei şulap jatqanyn bıle tūra būlai etu aqylǧa qonbaidy. Aurulardy aimaqtarǧa şaşyp jıberıp emdesem degen täsılge köşkendei, tek Qytai olai etpedı. Özbekstan da karantindegılerdı bır jerde jinap ūstaimyn dep 10 myŋ adamǧa aidaladan oryn sailady. Qazaqtyŋ osylai etuıne jerı jetpedı me, jıgerı jetpedı me? Qydyrympazdardy sondai bır jerge tüsırıp, ūstauǧa mi jetpedı me? Ekonomikasy dūrys Almatyda bır künde 12 med.qyzmetker tırkeldı, basqa öŋırlerden ne qairan. Qyzylorda körsettı ǧoi, äp-sätte Almatyny quyp jetıp qaldy. Al qazır 170 myŋdyq Taldyqorǧan alaŋdap otyr. Bır aidan berı Bas därıgerdıŋ talaptaryn būljytpai, post rejimıne könıp, tärtıppen ömır sürıp, ainalasyn qymtaǧan şaharǧa päle töbeden tüspesıne kepıldık joq. Jūrt: büitıp özderı taratatyn bolsa eldı nemenege qylqyndyryp karantinde ūstap otyr, aşa salmai ma, köppen bırge körermız. Taldyqorǧanǧa Täŋır jar bolsyn! - dep jatyr. Äumin! Taŋ atqanda koronavirus şyqqan qalalar tızımınde Taldyqorǧan tūrmasyn! Jalpy qazaqqa Jaratqan jar bolsyn!
Serık Äbıkenūly
