Qazırgı uaqytta Pavlodar oblysynda koronavirus infeksiiasyn jūqtyrǧan 9 adam anyqtalyp otyr
13 säuırden bastap Pavlodar oblysynda karantin rejimı engızıledı, dep habarlady memlekettık komissiianyŋ jedel ştaby.
Azamattardyŋ jürıp-tūruy jäne keibır qoǧamdyq maŋyzy bar nysandardyŋ jūmysy boiynşa qoiylatyn şekteuler 13 säuır künı saǧat 00:00-den bastap küşıne enedı. Būl şeşımdı Pavlodar oblysynyŋ bas sanitar därıgerı koronavirus infeksiiasynyŋ odan ärı taraluynyŋ aldyn alu maqsatynda qabyldady.
Erteŋnen bastap oblystyŋ, qalalardyŋ, audandardyŋ jäne auyldyq aimaqtardyŋ aumaǧyna kölıkter men adamdardyŋ kırıp-şyǧuyna tyiym salynady.
Būl şekteulerdıŋ myna sanattaǧy tūrǧyndarǧa qatysy joq:
- Būl şekteuler halyqtyŋ tırşılıgın qamtamasyz etu ūiymdarynyŋ qyzmetkerlerı;
- medisinalyq körsetkışter boiynşa şyǧatyn jäne keletın, karantindı engızu kezeŋınde stasionarlarda emdelıp jatqan, karantindık jäne provizorlyq stasionarlarda baqylauda bolǧan adamdar;
- şūǧyl mamandandyrylǧan kömekke mūqtaj azamattar;
- karantindık şaralardy oryndau şartymen, rastaityn qūjaty bolǧan jaǧdaida jaqyndarynyŋ qaitys boluyna bailanysty ketetın/keletın adamdar;
- rastaityn qūjatty ūsynǧan jaǧdaida köktemgı egıs jūmystaryn, tabiǧatty qorǧau, veterinarlyq, auyl şaruaşylyǧy ıs-şaralaryn, bailanys obektılerınıŋ qyzmetın jürgızuge tartylǧan azamattar.
