ASSYLTAS qoǧamdyq qory elımızdegı jariialanǧan tötenşe jaǧdaiǧa bailanysty qiyndyqqa tap bolǧan 200 otbasyny ırıktep alyp, 25 000 teŋgeden qarjylai kömek ülestırmek. Olar köpbalaly otbasylar men jalǧyzbasty analar jäne äkeler.
3 kün būryn qordyŋ bastamasymen qaiyrymdylyq aksiiasy bastalyp, halyqtyŋ kömegı arqyly 1 236 768 teŋge jinalǧan. Qarjy jinauǧa 351 adam järdemdesken. Bastapqyda uäde etılgendei, ASSYLTAS qoǧamdyq qory jinalǧan qarjyny ekı eselep, taǧy 100 otbasyǧa kömek qolyn sozatyn boldy.
«Üş kün būryn bız būl aksiiany bastaǧan kezde qanşa aqşa jinalsa, üstıne sonşa qarjy böletınımızdı aitqanbyz. Halyqtyŋ yqylasy keŋ eken, qaiyrymdy jandardyŋ arqasynda bız endı mıne 100 otbasyǧa kömektese alamyz, ötınışterdıŋ köptıgıne bailanysty qor qūryltaişysy Dulat Tastekeevpen keŋese kele, bızdıŋ qor taǧy 100 otbasyǧa qarjylai kömektespek. Iаǧni, 200 otbasyǧa 25 000 teŋgeden ülestıremız»,- dedı ASSYLTAS qoǧamdyq qorynyŋ jetekşısı R.Oqas.
Kömek alu üşın qoǧamdyq qordyŋ elektrondy poştasyna 1000-nan astam hat kelıp tüsken. Qor qyzmetkerlerı aldaǧy 3 künde ötınışterdı qarastyryp, mūqtaj 200 adamnyŋ tızımın jasaidy.
Aita keteiık, ASSYLTAS qoǧamdyq qory 2018 jyly qūrylǧan. Qor mädeniet, öner, sport salalaryn qoldaumen, köpbalaly analarǧa järdem körsetumen ainalysady.
Atalmyş qor, Qanat İslam, Jänıbek Älımhanūly, Erasyl Qajybaev syndy tanymal sportşylardyŋ demeuşısı bolǧan. Jyl saiyn qordyŋ ūiytqy boluymen respublikalyq aqyndar aitysy ötkızılıp jür.
Ekı jyldan berı ASSYLTAS stipendiiasy sport, ǧylym, jurnalistika jäne ädebiet salasynda jürgen azamattarǧa taǧaiyndaluda.
Qazırgı taŋda, qordyŋ qarjylandyruymen Semei qalasyndaǧy Ortalyq meşıttıŋ qūrylysy jürıp jatyr.
