Onlaın rejıminde derekti fılmder kórýge múmkindik bar

2944
Adyrna.kz Telegram

Pandemııaǵa baılanysty biraz elde karantın jarııalanǵany belgili. Qaýipti derttiń órshýi saldarynan elimizdegi tótenshe jaǵdaı rejımi uzartyldy. Vırýsty jeńý úshin árqaısysymyz joǵary jaýapkershilikpen saqtyq sharalaryn buljytpaı oryndap, úıden shyqpaýymyz kerek. Karantın kezinde ýaqytty tıimdi ótkizip, rýhanı azyq bolar tyń dúnıelerdi tamashalaýǵa, tanym kókjıegińizdi keńeıtýge, ózińizdi damytýǵa múmkindik bar. Máselen QR Mádenıet jáne sport mınıstrligine qarasty Ortalyq memlekettik kıno-fotoqujattar men dybys jazbalar arhıviniń www.kfdz.kz  saıtyna kirip, arhıvtiń «altyn qorynan» tańdaýly derekti fılmderdi kórýlerińizge bolady. http://kfdz.kz/Film_Online siltemesin basyp, belgili rejısserlardyń biregeı týyndylaryn kórýge shaqyramyz.

Nazarlaryńyzǵa usynylatyn fılmder tizimi.

  1. "Túrksib", 1929 j. túsirilgen, rej. V. Týrın, "Vostokkıno" Almaty óndiristik birlestigi. Derekti fılmde Túrkistan-Sibir temir jolynyń qurylysy týraly baıandalady.

 

  1. " Na boevoe dejýrstvo zastýpıt ", 2007 j., rej. N. Raısov, "NIC" stýdııasy. Qazaqstan Respýblıkasynyń Qarýly Kúshteri, Qazaqstan Respýblıkasy armııasynyń qurylý tarıhy týraly derekti fılm.

 

  1. "Borysh, abyroı, erlik", 2015 j., rej. N. Raısov, "NIC" stýdııasy. Derekti fılm Táýelsiz Qazaqstan Respýblıkasynyń birinshi Qorǵanys mınıstri, Keńes Odaǵynyń Batyry, Halyq Qaharmany, Qazaqstan Respýblıkasynyń armııa generaly Saǵadat Qojahmetuly Nurmaǵambetovke arnalǵan.

 

  1. "Ulytaý: ǵasyrlar jańǵyryǵy", 1991 j ., rej. A. Qarabaev, "Qazaqtefılm"kınostýdııasy túsirgen. «Ulytaý» qoryǵy tabıǵatynyń sulýlyǵy týraly derekti fılm.

 

  1. " Prıkosnovenıe k vechnostı ", 1966 j., rej. A. Mashanov, "Qazaqfılm" kınostýdııasy túsirgen. Derekti fılm 95 jastaǵy músinshi Isaak Itkındtiń shyǵarmashylyǵyna arnalǵan.

 

  1. "Altyn adam", 2010 j., rej. I. Rýdakova, Eýrazııa birinshi arnasy. Derekti fılm Esik qorǵanyndaǵy "Altyn adamǵa" arnalǵan.

 

  1. "Sáken Seıfýllın", 1964 j., rej. A. Nuǵmanov, "Qazaqfılm" kınostýdııasy túsirgen.

Derekti fılm jazýshy Sáken Seıfýllınge arnalǵan.

 

  1. " Samoe dorogoe ", 1942 j., rej. A. Ovanesova, Almaty kınohronıka stýdııasy. Uly Otan soǵysy jyldarynda Ýkraınadan, Belorýssııadan, Reseıden kelgen balalardy asyrap alyp, óz otbasyna qabyldaǵandar týraly derekti fılm.

 

9."Tebe, front!", 1942 j ., rej.Dzıga Vertov, Almaty kınohronıka stýdııasy. Uly Otan soǵysy jyldaryndaǵy qazaqstandyqtardyń erligi týraly kınoocherk.

 

Saıttaǵy fılmder eki kún saıyn jańaryp otyrady. Qazirgi tańda arhıv qyzmetkerleri eldegi jaǵdaıǵa baılanysty qashyqtyqtan jumys isteýge kóshken, óz jumysyn úıde otyryp onlaın túrde jalǵastyrýda. Birligi jarasqan arhıv ujymy Mádenıet jáne sport mınıstrligi bastaǵan #onlaındabol, #bizbirgemiz, #óneronlaın akııalaryna qatysyp, jalpy ıgi iske óz úlesterin qosyp keledi.

Judyryq bolyp jumyla bilsek, barlyq qıyndyqtardy jeńetinimiz anyq. Biz birgemiz!

 

 

Saltanat Smaılova,

OM KFQDJ A-niń baspasóz hatshysy

 

Pikirler