© Sputnik / Timur Batyrşin
Polşanyŋ blogerlerı Almatyda janar-jaǧarmai qūiuǧa toqtaǧan ūşaqta 154 tonna medisinalyq jük jetıspeitının alǧa tartyp otyr. Qazaqstan jüktı eseptegen adamdardyŋ özderı qatelık jıberuı mümkın degen boljam jasady
Almatynyŋ halyqaralyq äuejaiy "Polşaǧa arnalǧan gumanitarlyq jük ūrlandy" degen boljamdy joqqa şyǧardy. Qytaidan kelgen ūşaq Almaty qalasynda ekı ret janar-jaǧarmai qūiu üşın aialdaǧan, dep habarlaidy Sputnik Qazaqstan .
Ukrainanyŋ "Mriia" atty alyp ūşaǧy Varşamaǧa medisinalyq jük jetkızgen. 12 säuırde Qytaiǧa ūşyp bara jatqanda Almaty äuejaiynda qonyp, janar-jaǧarmai qūiǧan. Al 14 säuırde qaitar jolda ekınşı ret aialdaǧan. Sol kezde borttan ūşaqty jetektegış qūralyn şyǧaryp, tūraqqa qoiǧan bolatyn.
Gumanitarlyq kömek Polşaǧa jetkennen keiın blogerler jüktıŋ salmaǧyn salystyryp kördı. Bas kezınde ministrlık Qytaidan 400 tonna medisinalyq jük keledı degen. Alaida ūşaq kelgennen keiın gumanitarlyq kömektıŋ salmaǧy 96 tonna bolyp şyqty. Osydan keiın jelı qoldanuşylary qalǧan 150 tonna jüktıŋ qaida ketkenın sūrai bastady. Ūşaqtyŋ Almatyda ekı ret aialdaǧanyn da eske aldy.
Almatynyŋ äuejaiy tranzittık tūraq kezınde jüktı tüsıru mümkın emes ekenın mälımdedı.
"Mūny teoriialyq tūrǧyda jasau mümkın emes. Sebebı ūşaqtyŋ tūmsyq jaǧyn aşqanda borttyŋ janynda äuejaidyŋ tehnikalyq qyzmetterınen bölek kedenşıler, şekaraşylar men ekipaj ökılderı de tūrady. Al ekipaj komandirıne jük üşın jeke jauapkerşılık jüktelgen", - deidı äuejai mamandary.
Resmi mälımetke säikes, barlyq tūraqtar täulık boiy beinebaqylauǧa tüsırıledı. Jazba bır ai saqtalady.
Äuejai qyzmetkerlerı gumanitarlyq jüktıŋ salmaǧyn da tüsındırdı.
"Polşaǧa medisinalyq qūraldardyŋ, sonyŋ ışınde maskalar, kombinezondar jäne taǧy basqa zattardyŋ jetkızılgenın eskeru kerek. Ondai jük köp oryn alady, al salmaǧy az. Oǧan qosa, 400 tonna jük jetkızıluı tiıs degen, al ūşaqtyŋ jük köteru körsetkışı 250 tonna ǧana", - dep atap körsettı mamandar.
Syrtqy ıster ministrlıgı diplomatiialyq arnalar arqyly Polşa tarapynan narazylyqtyŋ bolmaǧanyn habarlady.
