Ukrainada soŋǧy kezde "Mihail Saakaşvilidı premer ministr qylu kerek" degen ūsynystar qaitadan şyǧa bastady.
Täuelsız ūiymdar saualnama jürgızgen eken, tızımdı öz reitingı boiynşa Saakaşvili bastap tūr eken.
Keşe Andrei İllarionovtyŋ sūhbatyn tyŋdaǧanmyn, moiyndau kerek, ol kısı myqty analitik. (jäi adam prezident keŋesşısı bolmaidy ǧoi)
İllarionov ärdaiym sözıne qūlaq türe jüru qūrmetıne ie sondai bedeldı kısı. Sol kısı "Saakaşvili Putinnen de artyq myqty basşy, şyn mänınde Mihail krutoi jıgıt" dep gruzin qairatkerıne baǧasyn berıp saldy.
Jalpy, şyny kerek Saakaşvili Gruziiada keremet reformalar jasady.
Ol - Gruziia bankrot bolǧanda bilık basyna kelıp özı bilıkten ketkende ornyna kelgen orysşyldarǧa damu jolyna nyq tüsken basqa Gruziiany tastap kettı.
Qazır sol orysşyldar Saakaşvili salyp ketken turistık Gruziianyŋ jemısın jep otyr.
Gruzinder halyq retınde sondai basşyny baǧalai almady degen pıkırdemın.
Olar sailauda Saakaşvilidı ūrlyqpen baiyp alǧan orysşyldarǧa jyǧyp berdı. Esıl er sosyn bas sauǧalap elınen ketuge mäjbür boldy.
Jalpy, Saakaşvili bilık basyna kelgende gruzinder ūrlyqpen qatty astasyp nenıŋ oŋ, nenıŋ sol ekenın aiyrudan qalǧan eken. Tıptı ūrlyqtyŋ qylmys ekenın de aiyrmaidy eken.
Elde ekı gruzinnıŋ bıreuı - vor, polisiia da ūry, ministırı de jemqor, deputaty - baukespe qaraqşy, äkımı - sūǧanaq, Gruziia äbden şırıp ketken edı.
Al Saakaşvili bilıkten ketkende ūrylar türmelerge lyq tolyp, ükımette para alatyn adamdar qalmaǧan, tap taza ükımet jasaqtap ketken.
"Vor zakondar" Ukraina, Reseige, TMD elderıne japatarmaǧai qaşty. Qaşpaǧanyn būl qūryqtady.
Al oǧan şeiın ūrlyq degen närse Gruziiada qalypty närse bop sanalyp ataqty ūry - "vor zakondar" gruzinder üşın kädımgıdei qūrmettı, syily, qadırlı adamdar bopty. Aldaryna baryp qoldaryn süiıp, bastaryn iedı eken. Olardy gürjı batyrlary deitın körınedı.
Mihail ışkı ıster ministırıne "anau taudyŋ basyndaǧy villanyŋ qojaiynyn dereu qūryqta" dep būiryq qylsa, ministr "oi baseke, ol "Vano tügenşe" degen ataqty ūry, onyŋ qūdasy deputat, ınısı sot, aǧasy tügenşe, men ony ıstei almaimyn, keşırıŋız" dep kümıljidı eken.
Sondai kezde qylşyldaǧan jas, ör mınezdı Saakaşvili "jür endeşe tüs aldyma" dep ministırın aldyna salyp operasiiany özı bastap şyǧady mys..
Şyn sondai oqiǧalar da bolǧan eken.
Qysqasy, aq pen qarany aiyra almaǧan halyq ta äbden azyp ketıptı. Abai aitpaqşy, jaqsymenen jamandy da aiyru qabıletınen ajyrap sanasyz tobyrǧa ainalǧan ǧoi. Sol tobyr aqyry ūrylaryn tym - tyraqai qylyp quyp közderın aşqan Saakaşvilidı tüsınbei de keşpei qaŋǧyrtyp jıberdı.
Ana bızde bıreuler "ryjii almaz", "atabalardy" halyq batyrlary, ūltşyldar dep esırgende, bızden men de osyndai qauıptı nyşandardy baiqap osyǧan qatty alaŋdap otyramyn. Būndai iısalmastar bızde de köp.
Orys intellektualy Iýliia Latynina "Saakaşvili - genii" dedı, "bıraq ol gruzinderge balyq aulap bergen adam jäne ol osy jerde oŋbai qatelestı, ol gruzinderdıŋ qolyna qarmaq berıp olarǧa özderı balyq aulaudy üiretu kerek edı" degen edı. Menıŋ būǧan alyp qosarym joq.
Qazır endı osy Saakaşvili Ukraina bilıgıne basty ümıtkerlerdıŋ bırı. Böten elde bilıkke talasyp jür.
Basqasy qūrysa da būl jıgıt ölmeidı. Bes - alty tılde erkın söileidı. Öte sauatty, bılımdı, basy tolǧan tyŋ ideia. Sözge şeşen, mınezı tıkbaqai, qyzu, harakterı jetedı, aduyndy adam. (Onsyz bolmaidy)
Halyqaralyq deŋgeide öte bedeldı adam.
Isker, būryn ıstegen, bastysy aitqanyn ıstei bıledı jäne ıstei alady.
Ädıl jäne būqaraşyl, halyqşyl adam. Halyqpen jūmys ıstei alady. Būl ony qatyrady.
Men Qazaqiianyŋ keleşek reformator basşysyn tap osy kısıdei elestetemın.
Oljas Äbıl
