Şymkentte karantin şaralary küşeitıldı
Būl turaly aqparattyq-kommunikasiialyq ortalyqta ötken brifingte Şymkent qalasy äkımınıŋ orynbasary Maqsūt İsahov mälım ettı.
Maqsūt Pernebaiūlynyŋ aituynşa, koronavirustyq infeksiianyŋ (COVID-19) taraluyna jol bermeu jäne epidemiologiialyq jaǧdaidyŋ asqynuynyŋ aldyn alu maqsatynda Şymkent qalasynyŋ Bas memlekettık sanitariialyq därıgerınıŋ 2020 jylǧy 18 säuırdegı №11 «Karantindık şaralardy küşeitu turaly» qaulysy şyqty. Būl Şymkent qalasy boiynşa tötenşe jaǧdai rejimın qamtamasyz etu jönındegı öŋırlık komissiianyŋ 17.04.2020 jylǧy №12 hattamasyna säikes azamattardyŋ ömırı men densaulyǧyn qorǧauǧa baǧyttalyp otyr.
- Özderıŋız bılesızder, qalamyzda bır künde 12 adam koronavirus jūqtyrdy. Osyǧan orai, ındettıŋ taralu qaupıne bailanysty qalamyzda saqtyq şaralary küşeitıldı. Qaulyǧa säikes, Şymkent qalasynyŋ barlyq aumaǧynda 2020 jyldyŋ 19 säuırı saǧat 00:00-den bastap 01.05.2020 jyly saǧat 07.00-ge deiın bırqatar şekteuler engızılıp otyr. Atap aitsaq, aiyrbastau punktterınıŋ, mikrofinanstyq ūiymdardyŋ qyzmetın onlain jūmys rejimıne jäne «klientterge deiın jetkızu» prinsipı boiynşa köşıru arqyly uaqytşa şekteledı. Sonymen bırge, qalada qoǧamdyq kölıkter de jūmysyn toqtatady. Qoǧamdyq kölıkter toqtaǧanymen qalada arnaiy tırkelgen 11 taksi kompaniiasy jūmysyn jalǧastyra beredı. Olarda 2 adamnan artyq jolauşy aluǧa bolmaidy. Tırkelmegen taksilerge rūqsat joq. 65 jastan asqan azamattarǧa jäne 18 segız jasqa tolmaǧan azamattar tūrǧyn üiden eresek adamnyŋ süiemeldeuınsız şyǧuyna tyiym salyndy. Būl rette Şymkent qalasynyŋ polisiia Departamentınıŋ, Işkı ıster Ministrlıgınıŋ Ūlttyq gvardiiasynyŋ, qorǧanys Ministrlıgınıŋ äskeri qūrylymdarynyŋ küşterımen karantindık aumaqty patruldeu tapsyryldy, - dedı qala äkımınıŋ orynbasary M. İsahov.
Sondai-aq, brifingte söz alǧan Şymkent qalasy tauarlar men körsetıletın qyzmetterdıŋ sapasy men qauıpsızdıgın baqylau departamentı basşysynyŋ orynbasary Almat Qosaliev qala tūrǧyndaryna karantin talaptaryn oryndap, mamandar ūsynǧan nūsqaulyqtarǧa jıtı qūlaq asuǧa keŋes berdı.
– Tūrǧyndarǧa aitarymyz, üiden şyqpai, sabyrlyq saqtap, tüsınıstıkpen qarap, şekteulerdı mültıksız oryndauǧa sızderdı şaqyramyn, - dedı ol öz sözınde.
Şymkent
