Əlem bır sətke tynyştyq mekenıne enıp ketken tərızdı. Tabiǧat adamdardyŋ qybyrlaǧan tırşılıgınen demalǧandai. Kölık otynynyŋ qaldyqtarynan şyqqan iıske tūnşyǧyp jatatyn qala bır sətke qoiu tütınnen tazaryp, tereŋ dem alyp qalǧandai körınedı. Oqşaulanudan 24 saǧat boi üide bolyp, tuysqandardy ızdep, habarlasyp, jaqyndarymyzdy saǧynǧanymyzdy bır sətke bolsyn ūǧyndyrdy. "Osydan karantin bıtsın, mındettı türde baramyz " - dep bılek sybanyp otyrǧan tuysqandar sany artpasa azaimaǧan bolar.
Adamdardyŋ ǧana ömırlerınde özgerıs bolyp jatyr. Al ormandaǧy aŋdar, toǧaidaǧy qūstar, teŋız tübındegı balyqtar barlyǧy özderınıŋ ədettegı äreketın jasau üstınde. Olar kerısınşe adamdardan demalyp, tırşılıgın nyǧaitady. Al sızşe būny tabiǧattyŋ bızge jasaǧan jazasy dep oilamaisyz ba? Tört qabyrǧaǧa qamap qoiyp özınıŋ ädettegı tırşılıgın jalǧastyru da. Halyq torǧa tüsken arystandai bolyp otyr.
Aşy şyndyq bolsa da moiyndauǧa tura keledı. Bız adamdar bızsız tırşılık joqtai köremız, bız joq bolsaq barlyǧy joiylyp ketetın tərızdı oilap qara jerdı təkapparlyqpen basamyz.
Al qazır qarap otyrsaŋyz, keremet tabiǧatty lastauşy da, joiyp jıberetınde bız ekenımız belgılı bolyp qaldy.
Endı köp nərsenı ūǧynu kerek siiaqty. Baiaǧy arman bolǧan Dubai qaŋyrap bos qaldy. Mahabbat simvolyna ainalǧan Parij mūnarasynda qol ūstasyp tüsetın ǧaşyqtar körınbeidı. Onsyzda mahabbatynyŋ məndı bolaryna da közderı jettı. Amerikaǧa baruǧa bosqyndar aǧylmaidy. Turistık qalalardaǧy qyzu tırşılık saiabyrsyp qaldy. Qasiettı Mekkede de qybyrlaǧan tırşılık baiqalmaidy.
Virustan änşı de, bişı de qaitys bolyp jatyr. Būrynǧy ömırımızben qazırgı jaǧdaiymyzdy salystyryp jatqan adamdar köp.
Olimpiada oiyndary da keiın şegerıldı. Onsyzda uaqyttyŋ ötetının de ūǧyndyrdy.
Ər memlekettıŋ qoimasynda saqtalǧan qaru-jaraqtary da bır virusqa tötep bere almaidy. Menıŋşe, qazır əlem qarusyz soǧys jürgızıp jatyr. Barlyǧynyŋda qaharly jaulary bıreu ǧana, al onymen kürestı ər el ər türlı jürgızıp jatyr. Jalpaq tılmen aitsaq ərkım bılgenın ıstep baǧuda.
Tazalyqty saqtamai, qalai bar solai ömır sürıp kelgen halyq qazır ər on minut saiyn qoldaryn juyp, ölmestıŋ qamyn jasauda. Tazalyqtyŋ maŋyzdy ekenın de , qūşaqtasyp, qol alysudyŋ özınen qorqyp saqtyq şaralaryn küşettık. Sol arqyly ǧana közge körınbeitın jaumen kürese alatyndaryn tüsındı.
Qazaq halqy asyra toilaudyŋ jai ǧana ysyrapşylyq ekenın ūǧynǧandai. Aurudan qoryqqan halyq "basymyz aman bolsyn, bır mänı bolar" - dep amandyqty ǧana tıleuden basqa amal qalmai tūr.
Qai jerde ömır sürsekte, meilı Aziia da bolsyn, meilı Europada bolsyn aiyrmaşylyq joq. Bır jūqpaly dert kelse, älem bır kemege ainalady. Būl karantinnıŋ qanşa uaqytqa sozylary belgısız. Degenmen būl derttıŋ qaita şykpasyna da eşkım kepıldık kepıldık bere almaidy.
Barşa älemge bız jai ǧana üide otyryp qana kömektese alamyz. Sebebı, virus adamnan adamǧa tez jūǧady, tez taralady. Sondyqtan, qandai jaǧdai bolmasyn üide bolyŋyz. Özıŋız üşın, jaqyndaryŋyz üşın.
Aisaule Kengaşova,
Tūran universitetınıŋ 1 kurs studentı
