Almatyda 21 säuırde COVID-19 ındetın jūqtyrǧandar 669 adamǧa jettı. Būl turaly qalalyq Densaulyq saqtau basqarmasy habarlady.
Qalada soŋǧy bır täulıkte jaŋadan 145 ındet jūqtyruşy anyqtalǧan.
Olardyŋ 104-ı Ortalyq qalalyq klinikalyq auruhananyŋ, 12-ı №12 qalalyq emhananyŋ, 11-ı qazırgı uaqytta provizorlyq ortalyq bolyp tabylatyn qalalyq palliativtık kömek ortalyǧynyŋ qyzmetkerlerı. Sondai-aq qalǧan 18 adam virus jūqtyrǧan nauqastarmen bailanysta bolǧan jandar.
Bügınde qaladaǧy jūqpaly aurular stasionarlarynda Almaty oblysynyŋ bır nauqasyn qosa alǧanda 577 adam qauıptı ındetten emdelıp jatyr.
Ekı nauqastyŋ jai-küiı – öte auyr, 6 adamda – auyr, 168-ı auyrlyqtyŋ ortaşa därejesınde, al qalǧandarynyŋ densaulyǧy qanaǧattanarlyq.
Jalpy 88 nauqas qauıptı ındetten sauyǧyp şyqty. Provizorlyq gospitaldarda 452 adam, karantindık oqşaulauda 352 jäne üi karantinınde 9950 adam bar.
Megapolistegı Bostandyq audanynyŋ bas sanitarlyq därıgerınıŋ qaulysyna säikes №12 qalalyq emhana karantinge jabyldy.
Ortalyq qalalyq klinikalyq auruhanaǧa qatysty aitar bolsaq, stasionar taza jäne virus jūqtyrǧan aimaqtarǧa bölıngen. Bügınde emhanada qosymşa 150 jūqpaly, 60 provizorlyq jäne 150 karantindık tösek-oryn aşyldy. Em qabyldap jatqan nauqastarǧa medisinalyq kömek obaǧa qarsy kiım-keşek kiılıp körsetıledı. Būl rette em jürgızıp jatqan medisina qyzmetkerlerınıŋ barlyǧynda taldau nätijelerı terıs.
Taldaulary oŋ nätije bergen medisina qyzmetkerlerı jūmystan şettetılıp, infeksiialyq stasionarlar men bölımşelerde em-dom qabyldauda.
Äkımşılık qyzmetkerlerdı äleumettık qorǧau boiynşa tūraqty jūmys jürgızude. Karantin jäne jabyq keŋıstık adamdardyŋ psihologiialyq jaǧdaiyna kerı äser etuı mümkın. Osyny eskergen mamandar ūjymdaǧy qarym-qatynas ädısın de dūrys jolǧa qoiuda.
Qaladaǧy barlyq medisinalyq ūiymdar qajettı jeke qorǧanu qūraldarymen tolyq jabdyqtalǧan.
Qazırgı esep boiynşa, elımızde 1967 nauqas tırkelıp, 452 adam aiyǧyp şyqqan. Ökınışke qarai 19 adam ındetten köz jūmdy.
Almaty
