Aýyl sharýashylyǵy mınıstri Saparhan Omarov jumys saparynyń sheńberinde Aqmola oblysynyń ákimi Ermek Marjyqpaevpen birge aýyl sharýashylyǵy taýar óndirýshilerdiń blok-postylar arqyly kedergisiz ótýiniń qamtamasyz etilýi boıynsha jumysty tekserdi jáne kóktemgi-dala jumystarynyń barysymen tanysty.
Oblys ákiminiń orynbasary Ǵalymjan Ábdihalyqov aýyl sharýashylyǵy salasyndaǵy aǵymdaǵy ahýal týraly baıandap berdi. Aǵymdaǵy jyly Aqmola oblysynda jazǵy egin egý kólemi 4,9 mln.ga quraıdy, onyń ishinde: astyq daqyldary — 4,4 mln.ga, maıly daqyldar — 254,0 myń ga, mal azyǵy daqyldary — 181,0 myń ga. 16,1 myń ga alqapta kartop, 3,0 myń ga astam alqapta kókónis otyrǵyzý josparlanýda.
Oblysta egin egý naýqanyna daıyndyq belsendi júrgizilýde. Óńirde shamamen 530 myń tonna tuqym bar, ol qajettilikten — 100,1%. Aǵymdaǵy jyly elıtaly tuqym sebý 23,3% ulǵaıtylyp, 365 myń ga quraıtyn bolady.
Óńirde topyraqqa mıneraldy tyńaıtqyshtardy engizý aýdanyn ulǵaıtý (1,0 mln.gektardan 1,6 mln.ga deıin) jáne sýarmaly jerlerdiń aýdanyn keńeıtý (24,1 myń gektardan 28,6 myń ga deıin) jolymen ónim túsimin arttyrýǵa qol jetkizý josparlanýda.
2020 jylǵy egin egý naýqanynda 14,3 myń traktor, 16,1 myń astyq destegishi jáne 1,2 myń joǵary ónimdi keshen tartylatyn bolady, olarmen 70% astyq synasynan astam alqapqa egin egý qarastyrylýda. Tehnıkanyń 100% tolyq daıyn.
Sharýashylyqtardyń barlyq sanattarymen 23,1 myń tonna et, 62,7 myń lıtr sút óndirildi (ósim 2,9%) jáne 203,9 mln. jumyrtqa alyndy. IQM mal basy 3,0% (502,1 myń mal basyn quraıdy), UQM 1,5% (640,0 myń mal basy), jylqy 6,4% (201,6 myń tuıaq), qus 1,5% (7,6 mln. qus) kóbeıdi.
Aǵymdaǵy jyly etti jáne sútti mal sharýashylyǵyn damytý sheńberinde 7,6 myń mal basyn satyp alý arqyly etti fermalar qurý, sondaı-aq 2,4 myń mal basymen 18 sút-taýarly ferma qurý boıynsha 111 jobany júzege asyrý bastaldy.
Sondaı-aq, Aqmola oblysy ákiminiń orynbasary Mınıstrden un óndirisiniń ósý qarqynyn tómendetýge jol bermeý maqsatynda 2020 jylǵa qarjy qarajatyn qosymsha bólýde kómek kórsetýdi ótindi.
Jumys saparynyń barysynda Mınıstr S.Omarov Aqmola oblysynyń birqatar fermerlik sharýashylyqtaryna, atap aıtqanda Aqkól aýdanynda «Eńbek» JShS, Býrabaı aýdanynda «Ábdirahmanov» JK jáne «Jýravlevka — 1» JShS boldy.
«Eńbek» JShS aýyl sharýashylyǵy daqyldaryn ósirýmen jáne 1 474 mal basy jalpy sanymen et-sút baǵytyndaǵy iri qara mal ósirýmen aınalysady.
Kásiporyn 80 mln.teńgege jańa sıyr saýý qondyrǵysymen jabdyqtaý arqyly sút-taýarly fermany rekonstrýkııalady, 2012 jyly 220 mln.teńgege «Sımmental» avstrııalyq tuqymdy qunajyn IQM 289 mal basyn ákeldi. 2020 jyly 13 myń ga egin egý josparlanýda, onyń ishinde astyq jáne burshaq dándi daqyldar — 11,6 myń ga, maıly daqyldar (zyǵyr) — 100 ga, mal azyǵy daqyldary — 1,2 myń ga.
Dırektory Qýanysh Raqyshevtyń aıtýy boıynsha 2011 jyly 9 myń tonna qýattylyǵymen keptirý kesheni, 2018 jyly 455 mln.teńgege «PETKUS» tuqym jelisi salyndy, ol tazalaýdyń 6 túrin qamtıdy jáne taza taýarly astyq alýǵa múmkindik beredi. Negizgi ótkizý naryǵy — «Sút» AQ, «Tóńkeris» AQP» JShS, Nur-Sultan q. bazarlary, óte taza organıkalyq ónim Eýropanyń Belgııa, Danııa, Italııa sııaqty elderine jetkiziledi, 2017 jyly salynǵan árqaısysy 60h42 m úsh qaımada saqtalady. Qazir munda: bıdaı — 1300 tonna, qyzyl jasymyq — 350 tonna, jasyl jasymyq — 150 tonna, qaraqumyq — 50 tonna, burshaq — 98 tonna, zyǵyr — 100 tonna. Saqtaýdyń jobalyq qýattylyǵy — 4000 tonna. 2020 jylǵy josparlanǵan egin egý alqaby — 13 myń ga, onyń ishinde astyq jáne burshaq dándi daqyldar — 11,6 myń ga, maıly daqyldar (zyǵyr) — 100 ga, mal azyǵy daqyldary — 1,2 myń ga.
Kásiporynnyń aldaǵy ýaqyttaǵy eksporttyq áleýeti talqylandy jáne seriktestiktiń aýyl sharýashylyq tehnıkasy kórsetildi. 5 HORCH AGRO-SOIýZ ATD egin egý kesheni, BUHLER VERSATILE traktorlarymen — 2 dana, CASE — 1 dana, New Holland — 2 dana. Sharýashylyq júrgizetin sýbektide traktorlar — 47 dana, astyq jınaý kombaındary — 35 dana, júk avtomobılderi — 23 dana.
Biriktirilgen sút-taýarly ferma — «Ábdirahmanov» JK Chehııa men Slovenııadan ákelingen «Sımentalskıı» tuqymyn ósiredi. Dırektory Bolat Ábdirahmanovtyń aıtýy boıynsha 2015 jyldan beri kásiporyn Agrokredıttik korporaııa arqyly «Sybaǵa» jáne «Agrobıznes-2020» baǵdarlamalary boıynsha alynǵan 320 mln.teńge kredıt qarajatyn ıgerdi. Chehııadan saýyn sıyrdyń 146 mal basy men jabdyq, Chehııa men Slovakııadan qunashynnyń 109 mal basy satyp alyndy. Sút negizinen Zerendi aýdanynyń Sadovoe a. Milk Project Milk Project JShS jetkiziledi. Mınıstrmen kezdesýde JK dırektory kredıttik ótinimderdi qaraý merzimin qysqartý múmkindigin qarastyrýdy ótindi.
Sondaı-aq, Saparhan Omarov jáne Ermek Marjyqpaev «Jýravlevka-1» JShS-da kóktemgi-dala jumystarynyń barysymen tanysty. Ótken jyly munda 34 myń tonnadan astam ónim alyndy, burshaq tuqymdy jáne maıly daqyldar ósiriledi. Sharýashylyqta 54 myń ga jeri bar, 2020 jyly seriktestik 31 myń ga astam alqapta egin egýdi josparlaýda, onyń ishinde: bıdaı — 7,7 myń, arpa — 12,8 myń, raps — 5,8 myń, zyǵyr — 4,4 myń. Búgingi tańda, kompanııa egin egý naýqanyna tolyǵymen daıyn.
Aqmola oblysy
