Bügın aqparattyq-kommunikasiialyq ortalyqta Memleket basşysynyŋ tapsyrmasyna säikes, bılım salasyndaǧy özektı mäseleler boiynşa onlain-brifing öttı. Brifing barysynda Şymkent qalasy bılım basqarmasynyŋ basşysy Janat Täjieva qaşyqtan oqytu, ŪBT-ǧa daiyndyq turaly aqparat berdı.
- Qalamyzda üş auysymdy mektepter üşın 2020 jyldyŋ qyrküiek aiynda 7 jaŋa bılım ordasy berılgelı otyr. Jürgızılgen manitoring nätijesınde mektepterge degen tapşylyq barysynda 6 myŋ qosymşa oryn berıledı. Būl - qalamyzda jeke menşık mektep aşamyn degen käsıpkerlerımızge öte zor mümkındık bolmaq. Jeke menşık mektep aşamyn degen käsıpkerlerge qarjyny köp talap etpeitın tetıkter qarastyrylǧan. Iаǧni, qalamyzda bos tūrǧan ǧimarattardy jalǧa alu arqyly, sanitarlyq normalaryn saqtai otyryp, mektepter aşuǧa bolady - dedı Şymkent qalasy bılım basqarmasynyŋ basşysy.
J.Täjievanyŋ mälımdeuınşe, Bılım jäne ǧylym ministırlıgınıŋ tapsyrmasyna säikes, balabaqşalardyŋ sapasyna qatysty qyrküiek aiynan bastap lisenziialau talaptary qarastyrylǧan. Bala tärbiesıne salǧyrt qarap, keibır sanitarlyq talaptardyŋ saqtamaǧan balabaqşalar jabylatyn bolady.
Sondai-aq brifingte basqarma basşysy elımızde jariialanǧan tötenşe jaǧdaiǧa qatysty qalamyzdaǧy oqu sabaqtary kestege säikes onlain türınde jürgızılıp jatqandyǧyn baiandap, bılım sapasy basty nazarda ekendıgın atap öttı.
Şymkent
