Bas därıger men orynbasary därıgerlerge tiesılı üstemaqyny alyp otyrǧan

QR Densaulyq saqtau ministrı Eljan Bırtanov därıgerlerge üstemeaqy töleude anyqtalǧan zaŋbūzuşylyqtar jaily mälımdedı. Būl turaly "Aiqyn"  ministrdıŋ Facebook paraqşasynda sılteme jasap jariialady.  Ministrdıŋ  tapsyrmasymen därıgerlerge berıletın üstemeaqynyŋ dūrys audaryluy üşın  barlyqaimaqtardaǧy komissiialardyŋ  qūramyna Äleumettık medisinalyq saqtandyru qorynyŋ ökılderı qosylǧan. Sonyŋ arqasynda bırneşe kemşılıkterdı anyqtaǧan. «Qazırdıŋ özınde qor ökılderı bırqatar kemşılıktı anyqtady. Atap aitsaq, qauıp tobynda körsetılmegen qyzmetkerlerge (bas därıgerler men olardyŋ orynbasarlary) üstemeaqy negızsız tölengen. Üstemeaqy aluy tiıs mamandar (klinikalyq jäne biohimiialyq zerthana, rentgendık diagnostika qyzmetkerlerı) şet qalǧan. Qyzmetkerlerdıŋ qauıp toby asyryp körsetılgen. Nauqastar tabelde körsetılgen datadan keiın auruhanaǧa jatqyzylǧan. Jūmys uaqytynyŋ ailyq balansy köterılıp, mamanǧa berıletın üstemeaqy somasy azaiǧan. Öŋırlerde tösek-oryn şamadan tys äzırlengen, arnaiy jedel järdem brigadasy anyqtalmaǧan», – dep jazdy. Sonymen bırge, ministr koronavirustardy emdep jatqan därıger qorǧanyş kıimderın talap boiynşa paidalanuy keregın eskerttı. «Bas sanitarlyq därıgerdıŋ qaulysyna säikes, auru aimaǧyndaǧy därıgerler jeke qorǧanys qūraldaryn kiıp (1-tiptegı obaǧa qarsy kostium) 3 saǧatqa deiın jūmys ıstei alady. Osylaişa, eŋbek zaŋnamasynyŋ normalaryna süiene otyryp, zalaldy eŋbek jaǧdaiynda aptasyna 36 saǧat, Bas sanitarlyq därıger qaulysyna säikes, künıne 6 saǧat (qorǧanys kiımın kem degende ekı ret auystyru qajet) jūmys ısteuge rūqsat etılgen. Jalpy, medisina qyzmetkerınıŋ bır auysymy 8-12 saǧatqa jetedı. Sebebı, olar nauqasty emdeuden bölek, qūjattarmen jūmys ısteidı, konsultasiia jürgızedı, tamaq ışedı, demalady jäne taǧy basqa. Osylaişa, bır ailyq stavka jasalady», – dedı Eljan Bırtanov.

"Aiqyn"