Kün saiyn 42500.enbek. saityna äleumettık tölemderge ötınım beruden basqa, azamattardyŋ äleumettık tölemdı aluǧa qatysty sūraqtary myŋdaǧan ötınışter kelıp tüsedı.
2020 jylǧy 24 säuır küngı jaǧdai boiynşa https://42500.enbek.kz saityna şamamen 232 myŋ ötınış tüsken. Onyŋ ışınde 23 säuırde qazaqstandyqtar 25 myŋnan astam ötınış joldaǧan. Bügınde 20 myŋnan astam ötınış beruşıge jauap berıldı.
Eŋbek jäne halyqty äleumettık qorǧau ministrlıgınıŋ «Eŋbek resurstaryn damytu ortalyǧy» AQ qyzmetkerlerı 42500.enbek.kz saityna kelıp tüsken ärbır ötınıştı jıtı qarap, azamattarǧa ötınım beru kezınde jıberılgen qatelıkterdı tüzetuge kömektesedı.
Ortalyq mamandary «Memlekettık äleumettık saqtandyru qory» AQ azamattarǧa ekı ne odan da köp tabys közderınıŋ boluyna bailanysty 42 500 teŋge töleuden bas tartqan jaǧdaida qaida jäne qandai qūjattar jinau keregı turaly aityp berdı.
- Azamat ötınımdı jıbergen kezde, jüie ony arnaiy baza boiynşa tekseredı de, onyŋ ekı ne odan da köp ūiymdardan tüsken tabysy bar ekenın bırden köredı. Belgılengen ereje boiynşa mūndai azamattarǧa jüie avtomatty türde äleumettık tölem töleuden bas tartady. Eger azamat qos jūmys ornynan da tölenbeitın eŋbek demalysyna şyǧyp, tabysynan airylǧan bolsa, ol memlekettık kömek ala alady. Osyndai jaǧdaiǧa tap bolǧan adamǧa ekı jūmys ornynan da anyqtama alyp, olardy tırkep, Memlekettık äleumettık saqtandyru qoryna ötınış jazu keregın aitamyz, - deidı ortalyq mamany Janbolat Daniiarov.
Esterıŋızge salsaq, QR Ükımetı 42 500 teŋge äleumettık tölemdı aluǧa qatysty azamattardyŋ ötınışterın (aryzdaryn) qarastyratyn 3 mekemenı anyqtaǧan bolatyn. Olar:
1) «Azamattarǧa arnalǧan ükımet» AQ-nyŋ 1414 call-ortalyǧy, onda zaŋnamalyq keŋes ūsynylady, ötınış bergen adamnyŋ märtebesı jäne äleumettık tölemder alu qūqyǧy, sondai-aq tölemdı jüzege asyru turaly aqparat aiqyndalady;
2) 1411 call-ortalyq, 42500@gfss.kz el.poşta «Azamattarǧa arnalǧan ükımet» AQ korporasiiasynyŋ MÄSQ-men tıkelei jūmys ısteitın azamattarǧa tölem taǧaiyndau, tölemnıŋ keşıktırılu sebepterı jäne bas tartu turaly aqparat berıledı;
3) QR Eŋbek jäne halyqty äleumettık qorǧau ministrlıgıŋ 42500.enbek.kz saity, 42500@enbek.kz el.poştasy, būl sait jäne poştada azamattarǧa äleumettık tölem taǧaiyndau boiynşa barlyq mäselelerı qarastyrylady.
"Adyrna" ūlttyq portaly
