22 säuırde Angliianyŋ joǧarǧy soty moldovalyq biznesmender Anatol men Gabriel Statidıŋ şaǧymy negızınde Ūlttyq banktıŋ 530 mlrd dollar kölemınde aktivın būǧattau ısı boiynşa proseste Qazaqstan paidasyna qarai şeşım şyǧardy. Būl turaly Abai.kz habarlady.
Būl turaly Qazaqstannyŋ ädılet ministrlıgı habarlady. Ūlttyq banktıŋ esepşoty Bank of New York Mellon (BNYM) Londondaǧy bölımşesınen aşylǧandyqtan Qazaqstan ükımetı men biznesmender arasyndaǧy sottyŋ bır bölıgı Londonda ötken.
2017 jyly jeltoqsanda New York Mellon bankı Anatol Statidıŋ Qazaqstan ükımetıne qarsy aryzy boiynşa Qazaqstan Ūlttyq qorynyŋ 22 milliard dollar qarjysyn būǧattaǧan. Ministrlıktıŋ aituynşa, Qazaqstan ükımetı būǧattalǧan qarjy kölemın 530 mln dollarǧa deiın azaita alǧan.
2018 jyly 25 mamyrda Belgiia soty qarjy dauyn şeşu üşın ıstı Angliia sotyna jıbergen. 2020 jyly säuır aiynda Angliia soty tört künge sozylǧan prosess kezınde ıstı qarap, 22 säuırde sot şeşımın şyǧarǧan.
"Stati zaŋgerlerı sotta 530 mln AQŞ dollary būl BNYM-nyŋ Qazaqstan aldyndaǧy qaryzy, sol sebeptı oǧan Belgiia sotynyŋ būǧattau turaly şeşımın qoldanuǧa bolady dep habarlaǧan. Sudia Tir olardyŋ keltırgen dälelderın qabyldamai, mynadai şeşım qabyldaǧan: Qazaqstan Respublikasy BNYM men Ūlttyq bank arasyndaǧy jahandyq depozitarlyq kelısımnıŋ tarabyna jatpaidy; jahandyq depozitarlyq kelısım boiynşa BNYM mındettemelerınıŋ Qazaqstanǧa emes, tek Ūlttyq bankke qatysy bar; BNYM-nıŋ Qazaqstan aldynda qarajat töleu boiynşa mındettemelerı joq; Qazaqstannyŋ BNYM depozitterındegı aqşaǧa qatysty qandai da bır talap qoiu qūqyǧy joq" delıngen ministrlık habarlamada.
Moldovalyq biznesmen Stati men Qazaqstan bilıgı arasyndaǧy sot bırneşe jyldan berı jalǧasyp keledı. Qazaqstannyŋ mūnai salasyna investisiia salǧan Anatol Stati men onyŋ ūly Gabriel Stati Qazaqstannyŋ memlekettık organdary özın "investisiiasyn tym arzanǧa satuǧa mäjbürleu üşın qyspaqqa alǧanyn" aitady.
Būl ıs boiynşa negızgı şeşımdı 2013 jyly jeltoqsanda Şvesiianyŋ arbitraj soty şyǧarǧan. Şvesiia soty Qazaqstan investorlar aldyndaǧy halyqaralyq mındettemelerın būzdy dep tanyp, Statige 500 million dollar kölemınde öndırıp beru turaly şeşım şyǧarǧan. Keiınırek Nūr-Sūltan būl aiyptaudy terıstep, Statidı "alaiaqtyq jasady" dep aiyptady.
Sodan berı Stati bırneşe memlekette sot şeşımın küşpen oryndatuǧa küş salyp keledı.
2019 jyly mamyrda Niderland soty qūny 5,2 milliard dollar tūratyn Niderlandtyŋ KMG Kashagan B.V. kompaniiasyndaǧy "Samūryq-Qazyna" memlekettık qory aksiialaryna salynǧan tyiymdy küşınde qaldyrdy. Būl aksiialarǧa Qazaqstan ükımetı men Anatol Stati arasyndaǧy dau aiasynda tyiym salynǧan edı.
Osydan bırneşe jyl būryn Ūlttyq qor aktivterınıŋ būǧattaluy turaly habar Qazaqstan qoǧamynda qyzu talqylanyp, keibır sarapşylar mäselege alaŋdaǧan.
Abai.kz
