Jurnalistika – tarihtyŋ tasqa basylǧan şimai paraǧy. Qanşa degenmen de tarih aldymen jurnalist qalamymen jazylady. Tarihi oqiǧany, qoǧamdyq qūbylystardy alǧaş jetkızuşı de aqparat salasynyŋ mamandary. Bügınde älem tarihynyŋ betterınde täj ındetı öz jūrnaǧyn qaldyruda. Qaşanda jaŋalyqtyŋ, jaŋanyŋ jaqtauşysy bolǧan, aqparat teŋızımen qatar jüzetın jurnalister būl qiyn sätte de özınıŋ küşı men uaqytyn aiamai, basyn bäigege tıgude. Tötenşe jaǧdai kezınde täuekelge barudan taisalmaǧan jurnalister bız üşın maidandaǧy jauyngermen teŋ.
Kögıldır ekrandaǧy körermen qyzyǧar bıtım-bolmys, radioda estitın äsem ün, tanymaldylyq. Būla – bızdıŋ mamandyqtyŋ syrtqy mūqabasy ıspettı. Al şyndyǧynda olar keiıpker mūŋyn tyŋdap, tau-tasty aralap, jer-köktı kezıp, aqiqat ızdep şyryldaidy. Ömırın qaterge tıgedı. Ūlttyq qūndylyqtardy ūlyqtaidy. Alaida, mamandyqqa degen mahabbattary osy qiyndyqtarǧa da qūştar ıspettı. Jurnalister bügınde öz ömırın qaterge tıktı. Osynau qiyn sätte, aq halatty abzal jannyŋ qajetın, halyq mūŋyn «qajet qūlaqqa jetkızsem» dep közge körınbes dertke qasqaiyp qarsy tūruda. Sızge «abailaŋyz»-dep qorǧanu şaralaryn körsetude, «üide bol»-dep, özı jurnalisttık zertteuın jalǧastyruda.
Halyqtyŋ senımıne kırmei, jurnalist özınıŋ qoǧamdyq mındetın tolyq oryndai almaidy. Sızder «bılsın, sensın» degen nietpen täj ındetınıŋ şyǧuyn zerttedı, ındet oşaǧynan reportaj jasady.
Tehnikaǧa tıl bıtırıp, qanat berdık desek te älı ındettıŋ otyn öşıre almai jatyrmyz. «Älem tynyştyq mekenıne ainalyp, ındet üide boludy, otbasyna köŋıl böludı üirettı» - deimız. İia, būl älemdı üide otyryp qūtqaruşylar pıkırı. Alaida, derttı joiuǧa qarsy şyqqan bügıngınıŋ batyrlaryna būl ındet otbasyna degen saǧynyşty arttyryp, älem üşın jauapkerşılık mındetterın ūlǧaitty.
Bız aq halatty abzal jandardyŋ qatelıkterı üşın nalydyq, «ūstaz balama ūrysty» dep renjıdık, tärtıp saqşylaryn moiyndamadyq, «qaiyrymdylyqty körsettıŋ» dep söktık. Bıraq, ındet mamandar qadırın arttyrdy .
Kei sätter este qalady, tūtas oqiǧa ūmytylady. Tarihtyŋ bır paraǧyn özıne arnatqan täj ındetı ūmytylsa da, adam janynyŋ araşasy aq halatty abzal jandar qajettılıgın, «tärtıp degen täŋır bar»-dep mındetın atqaryp jürgen täuelsızdık saqşylarynyŋ erlıgın, aqparat maidany küreskerlerınıŋ adaldyǧyn, infeksiiaǧa qarsy qalalardy tazartu jūmysyna atsalysqan azamattar eŋbegın,qaiyrymdy jandar şapaǧatyn ūmytpasaq deimın.
Körınbes dertke qarsy şyqqandarǧa
alǧys bıldıruşı: Düriia Qydyrbekova
Tūran universitetı
Jurnalistika mamandyǧynyŋ 1 kurs studentı
