Qazaqstan Respýlıkasynda Prezıdent ınstıtýtynyń qurylǵanyna 30 jyl tolýyna oraı belgili aqyn, qoǵam qaıratkeri Oljas Súleımenov ınstıtýttyń qurylýy, qalyptasý kezeńderi, jetistikteri jóninde pikir bildirdi, – dep habarlaıdy baq.kz.
Ol elden jyraqta júrse de, Prezıdent saılaýyna ushyp kelip, qazaqstandyqtardy Nursultan Nazarbaevqa daýys berýge shaqyrǵan.
– El prezıdenti saılanǵan jyldary men Máskeý qalasynda jumys istedim. Arnaıy Qazaq KSR prezıdenttik saılaýyna Máskeýden ushyp keldim. Meniń esimde bolsa, saılaý qazan aıynda Joǵarǵy Keńeste ótken sııaqty, – dep eske aldy qoǵam qaıratkeri strategy2050.kz saıtyna bergen suhbatynda.
Ol saılaýda Nursultan Nazarbaevtyń kandıdatýrasyn usynyp, oǵan minezdeme de bergenin jasyrmady.
– Nazarbaevtyń jumys tájirıbesi, uıymdastyrýshylyq qasıeti bar, budan bólek 6 jyl Úkimetti basqardy. Sonymen qatar birneshe jyl Qazaqstan Kompartııasy Ortalyq Komıtetiniń basshysy boldy, ári túrli halyqaralyq ortada jumys istedi. Men halyqty Nazarbaevqa daýys berýge shaqyrdym, – deıdi ol.
Oljas Súleımenov dál sol jyldary antııadrolyq odaq qurylyp, elderdi ıadrolyq qarýdan bas tartýǵa shaqyratyn klýb qurý qolǵa alynyp jatqanyn aıtty.
– «Nevada-Semeı» qozǵalysynyń halyqaralyq qozǵalystarmen tyǵyz baılanysy arta tústi. Biz sol kezde jahandyq antııadrolyq odaq quryp, klýbqa múshe memleketterdi ıadrolyq qarýdan bas tartýǵa shaqyratyn klýb qurýdy qolǵa aldyq, – deıdi aqyn.
Instıtýt pen Prezıdenttiń jetken jetistikterine toqtalǵan Oljas Súleımenov Keńes Odaǵy qulaǵannan keıin jas memleketke tez arada aıaqqa turý mańyzdy bolǵanyn tilge tıek etti.
– Aldymyzda qurdymǵa ketken keńes ekonomıkasynyn ulttyq ekonomıkany qalypqa keltirý, ózindik ıntellektýaldy rýhanı ortany qalyptastyrý mindeti turdy. Munyń bárin barlyq deńgeıdegi birtutastyq ınstıtýttyń kómegimen ǵana jasaýǵa múmkindik boldy. Keıbir TMD elderi de osy joldy tańdady. Qazaqstanda sııaqty olarda da sátti júzege asty. Alaıda, keı memleketter tez arada basqarýdyń demokratııalyq formalary men ádisterin engizýge tyrysqandyqtan, ydyraý jalǵasa tústi. Qazaqstan bizdiń baqytymyzǵa oraı mundaı keleńsizdikterden aman ótti, – dedi ol.
Sózin Qazaqstan kópulttylyǵyn saqtaýy kerek, dep túıindegen ol:
– Biz tek respýblıkamyzdyń kópulttylyǵyn saqtaǵan jaǵdaıda ǵana jetistikke jetemiz. Biz óte tolerantty memleketpiz. Bul týraly Qazaqstannyń ár azamatyna aıtylýy kerek, – dedi.
Qazaq uni
