Qazaqstan Respulikasynda Prezident institutynyŋ qūrylǧanyna 30 jyl toluyna orai belgılı aqyn, qoǧam qairatkerı Oljas Süleimenov instituttyŋ qūryluy, qalyptasu kezeŋderı, jetıstıkterı jönınde pıkır bıldırdı, – dep habarlaidy baq.kz.
Ol elden jyraqta jürse de, Prezident sailauyna ūşyp kelıp, qazaqstandyqtardy Nūrsūltan Nazarbaevqa dauys beruge şaqyrǧan.
– El prezidentı sailanǧan jyldary men Mäskeu qalasynda jūmys ıstedım. Arnaiy Qazaq KSR prezidenttık sailauyna Mäskeuden ūşyp keldım. Menıŋ esımde bolsa, sailau qazan aiynda Joǧarǧy Keŋeste ötken siiaqty, – dep eske aldy qoǧam qairatkerı strategy2050.kz saityna bergen sūhbatynda.
Ol sailauda Nūrsūltan Nazarbaevtyŋ kandidaturasyn ūsynyp, oǧan mınezdeme de bergenın jasyrmady.
– Nazarbaevtyŋ jūmys täjıribesı, ūiymdastyruşylyq qasietı bar, būdan bölek 6 jyl Ükımettı basqardy. Sonymen qatar bırneşe jyl Qazaqstan Kompartiiasy Ortalyq Komitetınıŋ basşysy boldy, ärı türlı halyqaralyq ortada jūmys ıstedı. Men halyqty Nazarbaevqa dauys beruge şaqyrdym, – deidı ol.
Oljas Süleimenov däl sol jyldary antiiadrolyq odaq qūrylyp, elderdı iadrolyq qarudan bas tartuǧa şaqyratyn klub qūru qolǧa alynyp jatqanyn aitty.
– «Nevada-Semei» qozǧalysynyŋ halyqaralyq qozǧalystarmen tyǧyz bailanysy arta tüstı. Bız sol kezde jahandyq antiiadrolyq odaq qūryp, klubqa müşe memleketterdı iadrolyq qarudan bas tartuǧa şaqyratyn klub qūrudy qolǧa aldyq, – deidı aqyn.
İnstitut pen Prezidenttıŋ jetken jetıstıkterıne toqtalǧan Oljas Süleimenov Keŋes Odaǧy qūlaǧannan keiın jas memleketke tez arada aiaqqa tūru maŋyzdy bolǧanyn tılge tiek ettı.
– Aldymyzda qūrdymǧa ketken keŋes ekonomikasynyn ūlttyq ekonomikany qalypqa keltıru, özındık intellektualdy ruhani ortany qalyptastyru mındetı tūrdy. Mūnyŋ bärın barlyq deŋgeidegı bırtūtastyq instituttyŋ kömegımen ǧana jasauǧa mümkındık boldy. Keibır TMD elderı de osy joldy taŋdady. Qazaqstanda siiaqty olarda da sättı jüzege asty. Alaida, kei memleketter tez arada basqarudyŋ demokratiialyq formalary men ädısterın engızuge tyrysqandyqtan, ydyrau jalǧasa tüstı. Qazaqstan bızdıŋ baqytymyzǧa orai mūndai keleŋsızdıkterden aman öttı, – dedı ol.
Sözın Qazaqstan köpūlttylyǧyn saqtauy kerek, dep tüiındegen ol:
– Bız tek respublikamyzdyŋ köpūlttylyǧyn saqtaǧan jaǧdaida ǧana jetıstıkke jetemız. Bız öte tolerantty memleketpız. Būl turaly Qazaqstannyŋ är azamatyna aityluy kerek, – dedı.
Qazaq uni
