QR Prezidentı Q.Toqaevqa: Sauda-sauyq-sairan ortalyqtary men avtosalondar, aviakompaniialar men aeroporttar asyrai ma halyqty erteŋ?..
Qūrmettı Prezident myrza!
Bügıngı daǧdarysqa bailanysty Ükımetımız 361 mekemege qarjylai kömek körsetetın bolyp jatyr. Ol tızımde 218 qūrylys (onyŋ 80- BI Group qarasty), 86 – sauda men jyljymaityn mülıktı jalǧa beruşıler, 26 – kölık, 15 – energetika jäne 5 – tau-ken kompaniiasy bar eken. Bıraq, bır de bır öndırıs kompaniiasy joq körınedı. Ony saralaǧan QR Önerkäsıpşıler men käsıpkerler odaǧy mälımdeme jasapty.
Mälımdemedegı «aviakompaniialar men aeroporttarǧa, energetikalyq, elitalyq tūrǧyn üi salatyn jäne elitalyq avtomobil satatyn kompaniialarǧa qoldau körsetuge basymdyq beruge bolmaidy»; «Tızımge maqsaty men baǧyty jaǧynan memleketten kömek aluǧa tiıs emes biznes ökılderınıŋ kıruıne jol beruge bolmaidy!»; «Ükımettıŋ naqty öndırıs käsıporyndaryna kömek körsetudıŋ ornyna milliardtardy tarifty köterıp qoiyp, asa bır mūqtajdyq körmeitın monopolisterge jūmsauy memlekettık ūiymdardyŋ bedelın tüsıredı, oǧan jol beruge bolmaidy!»; «būl – barlyq käsıpkerler men eldıŋ bükıl tūrǧyndarynyŋ betıne tükıru bolyp körınedı» degen, «tızımdı qaita qarau kerek!» degen sözderın oqyǧanyŋyzǧa kümänım joq. Būdan artyq aşy da aqiqi aitu mümkın emes.
Men tek öz tarapymnan mūndai qarjyny eŋ aldymen auyl şaruaşylyǧyn köteruge: egınşılıktı intensivtı paidalanuǧa köşıruge, odan da būryn ettı, süttı, jün men terını tereŋdete öŋdeu ısıne jūmsauǧa mındettı ekenımızge Sızdıŋ nazaryŋyzdy audarǧym keledı. Būl mäsele 30 jyldan berı aitudai aitylyp, bıraq, älı künge qolǧa alynbai-aq qoiǧan mäsele. Bızdıŋ süt pen airandy, sarymai men ırımşıktı Resei men Qyrǧyzstannan, ettı ...Argentina men Braziliiadan alyp otyrǧanymyz estıgen qūlaqtan ūiat. Sız osy daǧdarysty, Tötenşe jaǧdaidy paidalanyp auyl şaruaşylyǧyn köterıp almasaq, erteŋ aqşa taba almai qalamyz. Bız sonda ǧana baiaǧyda brendımızge ainaluǧa tiıs ekologiialyq taza Taǧam önerkäsıbı men kiım şyǧaratyn Jeŋıl öneräsıpke negız salyp alamyz. Sonda ǧana halqymyz qandai daǧdarys bolsa da özınıŋ aş-jalaŋaş qalmaitynyna senımdı bolady. Öitkenı, maqta men jünımız, terımız bar bızdıŋ ışkiım-köilekten bastap ışık-tonǧa deiın özımızdı tolyq qamtamasyz etuge mümkındıgımız jetıp-artylady. Syrty qūndyzdai jyltyraityn, ışınde neşe türlı jylytqyşy bar jep-jeŋıl taijaqy jauyn men aiazdan bırdei qorǧaityn, naǧyz älemdık qazaq brendı bolar edı...
Daǧdarys ūzaqqa sozylmaidy dep eşkım kepıldık bere almaidy. Mūnaidyŋ baǧasy köterılmei qoisa, eksportqa şyǧaratyn önımımız şamaly-aq, sonda ne ısteimız? Jaraidy, 1 million oligarhtar men bailar qinala qoimas, qalǧan 17 miliion halyqty nemen asyraisyz? Jauapkerşılık sızdıŋ moinyŋyzda ǧoi? Japoniia men Qytai ötken, «bır auyl – bır önım» qaǧidasyn ūstansaq, «Vse sily – na Deniikina!» degen Leninnıŋ ızımen «Bar küşımız – auyldy örkendetuge!» degen ūranmen qimyldsaq, bır-ekı jylda «Güldense auyl – güldenemız bärımız!» degen Beiımbet atamyzdyŋ arman-ösietın ıske asyrar edık.
Bügın taŋda halyqqa, äsırese qazaqqa eŋ bırınşı keregı – kündelıktı tamaǧy men basyna baspana. Tamaq jaiyn auyldy köterıp şeşe alasyz. Baspanany şeşu üşın – Astana men Almatydan bastap barlyq qaladaǧy jalǧa berıletın jäne bos tūrǧan päterlerdı teksertıŋız. Myŋdaǧan emes, jüz myŋdaǧan qazaqqa baspana tauyp beresız!..
Qūrmettı Prezident myrza! Ūlttyŋ taǧdyry şeşıletın sätte qyzmet märtebesı maǧdaiyŋyzǧa būiyrdy. Batyl da jedel qimyl kütedı el-jūrt sızden. Öitkenı, mümkınşılık te, auydan şyqqan söz sekıldı, qaityp kelmeitının sız jaqsy bılesız.
Isıŋızdıŋ alǧa basuyna tılektespın. Alla-Taǧala özıŋızge jar bolsyn!
Qūrmetpen, Ömırzaq Aqjıgıt, täuelsız jurnalist
