Jambyl oblysynyŋ äkımı Berdıbek Saparbaev jol qūrylysy salasyndaǧy käsıporyndarda bolyp, Qytai kompaniialarynyŋ basşylaryna «Tıl turaly zaŋ» men qazaqstandyq jūmysşylardyŋ jalaqysy tömen ekendıgıne toqtaldy, - dep habarlaidy Jambyl oblysy äkımdıgınıŋ baspasöz qyzmetı.
Saparbaev jūmys saparymen Şu audanynda bolyp, ūzyndyǧy 262 şaqyrymǧa sozylǧan Merkı-Burylbaital jolyn qaita qūru jūmystarynyŋ barysymen tanysty. Oblys äkımı salynyp jatqan uchaskelerdı aralap, jol qūrylys kompaniialarynyŋ basşylarymen kezdestı.
Būl ülken jobany ekı kompaniia jüzege asyruda. Qytailyq "China Xinxin Corporation" jäne qazaqstandyq "ABK-Avtodor NS". Qytailyq merdıgerlermen audarmaşynyŋ kömegımen söilesken Saparbaev Qazaqstan zaŋdaryn qataŋ saqtaudy talap ettı. Ol qytailyq käsıporyndardyŋ jalaqysy tömen ekenıne nazar audardy, olardyŋ mölşerı jyl saiyn kem degende 10 paiyzǧa ösuı kerek. Sondai-aq, aimaq basşysy barlyq jūmysşylar üşın teŋ jaǧdai jasalǧanyn, onyŋ ışınde jalaqy, tamaqtanu jäne jatyn oryn mäselelerın de eske saldy.
«Qazaqstan Respublikasynyŋ zaŋdary, sonyŋ ışınde Tıl turaly Zaŋy qataŋ saqtaluy kerek. Bızdıŋ memlekettık tılımız - qazaq tılı. Barlyq belgıler qazaq tılınde, onyŋ ışınde kıreberıste ornalasqan kompaniianyŋ atauy da qazaq tılınde boluy kerek. Vahtalyq lagerge barǧan kezde men soǧan basa nazar audardym. Men taǧy da osynda kelıp, nūsqaularymnyŋ qalai oryndalǧanyn tekseremın », - dedı Saparbaev.
Äkım jol boiynda mal ötuge arnalǧan joldar salynyp, suarylatyn aryqtar men köpırler jöndeluı qajet ekenın eskerttı. Jol jöndeu jūmystary kezınde jergılıktı 13 tūrǧynnyŋ üiınıŋ qabyrǧalarynda jaryqtar paida bolǧan, olardy 15 künnen keşıktırmei jöndeu kerek. Būl üşın 8,5 million teŋge qajet.
«Qazaqstanda biznestıŋ äleumettık jauapkerşılıgı degen ūǧym bar. Kompaniialar jaqyn maŋdaǧy eldı mekenderge, audan ortalyǧyna äleumettık mäselelerdı şeşuge kömektesuı kerek. Bız, äsırese, koronavirus jaǧdaiyn eskere otyryp, az qamtylǧan, köp balaly otbasylarǧa kömektesuımız qajet», - dedı Saparbaev.
Äkımdıktıŋ habarlauynşa, qytai kompaniialarynyŋ basşylary Saparbaevtyŋ talaptaryna tolyq kelısken.
"Adyrna" ūlttyq portaly
