Reseıdiń úkimet basshysy koronavırýs juqtyrǵan

2804
Adyrna.kz Telegram

Reseıdiń úkimet basshysy Mıhaıl Mıshýstın koronavırýs juqtyryp aldy. Úkimetti basqarý mindeti birinshi vıe-premer Andreı Beloýsovqa júkteldi. Bul týraly Mıshýstın beısenbide «Rossııa 24» telearnasynyń efırinde habarlady, dep jazady centralasian.org.

Premer-mınıstr vırýsty basqa adamdarǵa taratpas úshin eshkimmen ýaqytsha aralaspaıtynyn, biraq úkimet múshelerimen baılanysyn úzbeıtinin málimdedi. Mıshýstın otandastaryn eldegi shekteý sharalaryna jaýapkershilikpen qaraýǵa shaqyrdy.

Reseıde beısenbide jeti myńnan astam adamnyń koronavırýs juqtyrǵany anyqtaldy. 101 adam qaıtys boldy. Pandemııa bastalǵaly elde 106 498 adam koronavırýs juqtyrǵan. 1073 adam kóz jumǵan, 11 619 adam aýrýdan jazylǵan.

Máskeý qalasynda koronavırýstan aýyrǵandar kóp – bir táýlikte astananyń 3093 turǵynyna osyndaı dıagnoz qoıyldy.

Bılik epıdemııa mamyr aıynyń basynda kúsheıýi múmkin dep boljaıdy. Reseı prezıdenti Vladımır Pýtın demalys kúnderin 11 mamyrǵa deıin sozdy. Pýtın úkimetke shekteý sharalarynan birtindep bas tartý josparyn ázirleýdi úkimetke tapsyrdy.
Pikirler