Maqtaaral audanynyŋ ortalyǧy- Myrzakentke sarqyndy sudan qauıp töngendıkten keşe tüngı saǧat 23:00-de 12 myŋǧa juyq tūrǧyn tolyq Atakent kentıne köşırıldı. Halyqtyŋ erkın ärı tiımdı köşuın qamtamasyz etu maqsatynda 68 avtobus bölındı. Audan ortalyǧynyŋ tūrǧyndary eş dauryqpastan sirena soǧyla sala köşuge qamdanǧan bolatyn. Tūrǧyndardy köşıru barysynda köşede kölık keptelısı bolǧan joq. Atakenttegı oqşaulau oryndaryna jetkızılgen tūrǧyndarǧa qajettı kömekter körsetılude. Eŋ aldymen oqşaulau oryndaryna barǧan tūrǧyndar esık aldyndaǧy medisina mamandarynyŋ arnaiy blok-postyna bırtındep tırkelıp, koronavirus ındetın anyqtau qūrylǧysymen dene temperaturasy tekserısten ötkızılude. Sodan keiın ǧana oqşaulau oryndaryna jıberılude.
Aita keteiık, keşe tüske deiın Maqtaaral audanynda oryn alǧan jaǧdaiǧa bailanysty 2243 azamat qauıpsız aimaqqa köşırılse, tüsten keiın su basu qaupı basym bolǧan Nūrlyjol men Ferdausi auyldarynan 415 üidıŋ 3200-den astam tūrǧyny qauıpsız aimaqqa şyǧaryldy. Al tüngı saǧat 23:00-de Myrzakent kentınıŋ tūrǧyndaryn köşıru jūmystary bastalyp kettı. Bır mezette şamamen 7-8 myŋ adam Atakent, Asyqata kentterıne tasymaldandy. Öitpeske amal qalmady. Sebebı sarqyndy su Myrzakent kentınıŋ ırgesıne jaqyndap qalǧan-tyn. Arnaiy ştab kelısımımen halyqty köşıru turaly şeşım qabyldandy.
Tötenşe jaǧdaiǧa bailanysty audanda 18 evokuasiialyq oryndar naqtylanyp, olar Atakent, Maqtaral, Jambyl eldımekenderınde äzırlendı. Apattan qūtqaru jūmystaryna 630 adam men 2 su kölıgı jäne 56 tehnika jūmyldyryldy. Qazırgı taŋda qauıptı aimaqtaǧy azamattar men üi januarlaryn qauıpsız jerge köşıru şaralary ūiymdastyryluda. Būl jūmystarǧa Keles, Jetısai, Şardara, Saryaǧaş audandarynyŋ äkımşılıkterı atsalysyp jatyr.
Desek te, audanda su basyp qalu qaupı bar auyldar älı de az emes. Solardyŋ bırı - Jaŋaauyl auyldyq okrugıne qarasty Ferdousi eldımekenı. Qazırgı taŋda auyl ortasyndaǧy «Ferdousi» jalpy orta mektebınıŋ aumaǧyna su köterılgen.
Būdan bölek, zerdeleu, zertteu jūmystarynyŋ nätijesınde su tasqyny kezınde Jaŋa jol men Eŋbekşı auyldyq okrugterındegı 3 eldımekende 1682 gektar auyl şaruaşylyǧy daqyldary zardap şekenı anyqtalyp otyr. Aldyn ala boljamdyq esep boiynşa 181,1 mln. teŋgenıŋ şyǧyny eseptelıngen. Atap aitqanda, 1480 gektar maqta 148 mln. teŋgege, 42 gektar joŋyşqa - 2,1 mln, 150 gektar baqşa - 30 mln, 10 gektar jügerı - 1 mln. teŋgelık şyǧynǧa ūşarady dep boljanuda. Sondai-aq, atalǧan 4 eldımekende 5335 mal basy tırkelıp, onyŋ ışınde 799 mal basy zardap şegıp, 249 mln. şyǧynǧa ūşaraǧan. Onyŋ 328-ı ırı qara, 361-ı ūsaq mal, 53-ı jylqy, 57-sı tüie.
Maqtaraldan 46-y, Jetısaidan 10, Şardaradan 5, barlyǧy 61 veterinarlyq därıgerler Jantaqsai, Ferdousi eldımekenderındegı 3686 maldy evakuasiialau jūmystaryn tolyq aiaqtady.
Degenmen su basyp qalǧan aimaqtarda qanşa maldyŋ suǧa ketkenın anyqtau äzırge mümkın bolmai otyr. Öitkenı su basqan aimaqqa kıru mümkın emes. Mamandardyŋ aituynşa, būzylǧan qoimadan kelıp jatqan qaşyrtpa sudyŋ kölemı azaimauda. Sol sebeptı tötenşe jaǧdai salasynyŋ mamandary su basqan auyldardaǧy su deŋgeiınıŋ köterılgen, köterılmegenıne köz jetkızu üşın tiıstı zerdeleu jūmystaryn jürgızuge kırısken.
Aidar Seidazym
