Tötenşe jaǧdai kezınde tabysynan airylǧan azamattardyŋ äleumettık tölem aluǧa bailanysty ötınışterı täulık boiy qaraluda. Būl turaly Eŋbek resurstaryn damytu ortalyǧy habarlady.
2020 jylǧy 4 mamyrdaǧy jaǧdai boiynşa https://42500.enbek.kz saityna 451,6 myŋ ötınış kelıp tüstı. Onyŋ ışınde, tek 4 mamyrda -11 myŋnan astam ötınış tırkeldı.
Eŋbek jäne halyqty äleumettık qorǧau ministrlıgınıŋ «Eŋbek resurstaryn damytu ortalyǧy» AQ-nyŋ mamandary kelıp tüsken barlyq ötınışterdı qarap, TJ kezeŋınde äleumettık tölem aluǧa ötınış beru tärtıbı turaly, äleumettık tölem taǧaiyndaudan bas tartu sebepterı turaly, bıryŋǧai jiyntyq tölemdı qaitaru tärtıbı turaly jäne t.b. tüsınıktemeler beredı.
Ötınışterdıŋ basym köpşılıgı TJ kezeŋınde tabysty joǧaltuyna bailanysty äleumettık tölemdı esepteu tärtıbıne, sondai-aq ony taǧaiyndaudan bas tartu sebepterıne qatysty. Ärbır ötınış jeke qaralyp, azamattarǧa ötınımde jıbergen qatelerdı joiuǧa, sol arqyly äleumettık tölemdı aluyna kömek körsetıledı.
Aita ketsek, eŋ jiı kezdesetın qateler būl - azamattardyŋ JSN, sondai-aq banktık şot nömırın dūrys körsetpeuı.
Esterıŋızge sala ketsek, QR Ükımetı 42 500 teŋge äleumettık tölemdı aluǧa qatysty azamattardyŋ ötınışterın (aryzdaryn) qarastyratyn 4 mekemenı anyqtaǧan bolatyn. Olar:
1) 42500.enbek.kz saity. QR Eŋbek jäne halyqty äleumettık qorǧau ministrlıgınıŋ saitynda azamattarǧa äleumettık tölem taǧaiyndau boiynşa barlyq mäseleler qarastyrylady.
2) 1414 call-ortalyǧy. «Azamattarǧa arnalǧan ükımet» AQ-nyŋ 1414 call-ortalyǧy jügıngen adamnyŋ märtebesı jäne äleumettık tölemderdı alu qūqyǧy, sondai-aq tölemdı jüzege asyru turaly aqparat aiqyndalady.
3) 1411 call-ortalyǧy, 42500@gfss.kz elektrondy poştasy. «Azamattarǧa arnalǧan ükımet» AQ memlekettık korporasiiasynyŋ Memlekettık äleumettık saqtandyru qory» AQ tıkelei jūmys ısteitın call-ortalyǧy. Būl jerde azamattarǧa tölem taǧaiyndau, tölemnıŋ keşıktırılu sebepterı jäne tölemdı beruden bas tartu turaly aqparat ūsynylady.
4) 42500@enbek.kz elektrondy poştasy: QR Eŋbek jäne halyqty äleumettık qorǧau ministrlıgınıŋ «Eŋbek resurstaryn damytu ortalyǧy». Būl mekeme azamattar qate ūsynǧan banktık şottyŋ nömırlerı men JSN-ın anyqtap, ötınış beruşılerge dūrys derekterdı qaita ūsynu üşın habarlama jıberedı. Azamattardyŋ tüzetılgen derekterı negızınde olarǧa 42500 teŋgenı taǧaiyndau üşın «Memlekettık äleumettık saqtandyru qory» AQ-na jıberedı.
"Adyrna" ūlttyq portaly
