Türkıstan oblysynyŋ basşysy Ükımet saǧatynda Maqtaaralǧa qatysty baiandama jasap, tötenşe jaǧdai boiynşa atqarylyp jatqan jūmystarǧa toqtaldy.
«Aldyn ala jinaqtalǧan mälımetter boiynşa kölemı 7639 gektar egıstık jerdı su basqan. Sonymen qatar, mal şyǧyny naqtylanuda. Qazırgı taŋda, osy joǧaryda atalǧan şyǧyndardy eseptep jatyrmyz. Naqty şyǧyn kölemı naqtylanyp bolǧan soŋ, qosymşa baiandalatyn bolady», dedı öŋır basşysy.
Mälımdemege säikes, jalpy 31 606 tūrǧyn 14 eldı mekennen evakuasiialanǧan edı. Atqarylǧan jūmystardyŋ nätijesınde 2 eldımeken (Myrzakent, Aqjol) tūrǧyndary öz üi-jailaryna qaita oralyp, jaiǧasuda. Jalpy 6 127 tūrǧyny bar 5 eldımekendı su basqan (Jeŋıs, Jaŋatūrmys, Ferdausi, Örgebas jäne Dostyq), 7 eldımekende su basu qaupı älı de joǧary.
Būl rette, şūǧyl türde 2 mamyr künı Maqtaaral audanynda jergılıktı auqymdaǧy tehnogendık sipattaǧy tötenşe jaǧdai jariialanyp, jedel ştab qūryldy.
Avariialyq-qūtqaru jūmystaryn jürgızu üşın 986 adam, 10 dana jüzu qūrylǧysy, 180 dana tehnika jūmyldyryldy.
Sonymen qatar, Qyzylorda, Jambyl oblystary men Şymkent qalasynan 30 önımdılıgı joǧary su jinaǧyş soraptar kelude.
Būdan bölek, Qazaqstan Respublikasy Ūlttyq Ūlanynyŋ äskeri bölımınen 413 äskeri qyzmetker men 37 dana tehnika tartyldy. Qosymşa Almaty qalasynan QR Ūlttyq Ūlanynyŋ qūtqaru batalonynan 320 äskeri qyzmetker men 26 dana tehnika kelude.
Atakent kentı men Maqtaral, Jambyl auyldyq okrugterınde aşylǧan 19 qabyldau-evakuasiialau punktıne 3200 adam ornalastyrylǧan. Atap öteiık, Myrzakent jäne Aqjol eldımekenınıŋ tūrǧyndary üilerıne oraluyna bailanysty evakuasiialyq punktter sany 24-ten 19-ǧa qysqardy.
«Qabyldau evakuasiialyq punkterı qajettı qūral-jabdyqtar men azyq-tülıkpen qamtamasyz etılgen. 120 medisina qyzmetkerı medisinalyq kömek körsetude. Jetısai qalasynda da 3 evakuasiialyq-qabyldau punktı äzırlengen. Qajet bolsa evakuasiialanǧan tūrǧyndardy qabyldauǧa daiynbyz», dedı Ö. Şökeev.
Körşıles oblystar men käsıpkerler tarapynan türlı kömekter körsetılıp, qoldau bıldırılude.
Tötenşe jaǧdai saldarynan bügıngı taŋǧa, aldyn ala esepteuler boiynşa jalpy 845 tūrǧyn üidı, 3 mekteptı, 5 bala-baqşany, 4 medisina nysandary men 1 mädeniet üiın, 10 dükendı su basty, Jeŋıs auylyndaǧy köpırdı (ūzyndyǧy 10 metr, enı 6 metr) jäne respublikalyq, oblystyq, audandyq maŋyzy bar 54,7 şaqyrym avtojoldardy su şaidy.
Audanda qoǧamdyq tärtıptı saqtau jäne su basqan tūrǧyn üilerdı mülkın qorǧau üşın (Jaŋatūrmys, Ferdausi, T. Jailybaev (2), Nūrlyjol, İırjar jäne Orgebas, Şūǧyla auyldarynda) 8 blok beket ornatylyp, polisiia departamentınıŋ jeke qūramynan jalpy 335 qyzmetkerı men 57 arnaiy avtokölıgı jūmyldyryldy.
Eldımekenderdı su basuynyŋ aldyn alu maqsatynda:
Halyqty qūlaqtandyru maqsatynda Maqtaral audanynyŋ 15 eldımekenınde (Jeŋıs, Jaŋatūrmys, Ferdousi, Örgebas, Dostyq, Araily, Nūrlytaŋ, Şūǧyla, Nūrlyjol, Jantaqsai, Aqjol, Myrzakent, Örken, Yrysty, Qaraqyr auyldary) 38 dabyldy eskertu qūrylǧysy ornatyldy.
Nūrlyjol, Örgebas, Yrysty, Jantaqsai eldı mekenderınde bögetter salynyp, Myrzakent kentı baǧytynda Ferdausi eldımekenınıŋ aumaǧynda 3 kollektor ornatyldy.
Būdan bölek, Maqtaaral audany aumaǧynan aǧyn sudy tez arada şyǧaru maqsatynda Özbekstan Respublikasy tarapynan Jetısai audany, Qoǧaly eldımekenınıŋ maŋynan «ortalyq betpaqdala kollektory» arqyly avtojol köpırın ainalyp ötetın kanal qazyldy.
QazSuşar RKM-nıŋ mälımetterıne säikes, keibır eldı mekenderde su deŋgeiı ortaşa 3-4 sm-ge tömendegenı baiqalady.
Türkıstan oblysy äkımınıŋ baspasöz qyzmetı
