Özbekstan prezidentı Şavkat Mirziiaev Sardoba su qoimasyndaǧy bögettıŋ būzyluyna kınälıler kım bolsa da, zaŋ aldynda jauapqa tartylatynyn eskerttı.
Ol būl jönınde ükımet müşelerımen ötkızgen videoselektorlyq jinalys kezınde aitty.
"Menıŋ tapsyrmam boiynşa su tasqynyna bailanysty qūqyq qorǧau organdary tergeu ısın bastady. Barlyq kınälıler, ol kım bolmasyn zaŋ aldynda jauap beredı", – dep eskerttı özbek prezidentı.
Mirziiaevtıŋ sözınşe, Syrdariia obdysyndaǧy su tasqyny özbekstandyqtar üşın aşy sabaq boldy.
"Bız halyqaralyq sarapşylardy şaqyryp, bögettıŋ qūrylysyn tekseremız. Sol kezde bärı belgılı bolady", – dedı Şavkat Mirziiaev.
1 mamyrda taŋǧa juyq Syrdariia oblysyndaǧy Sardoba su qoimasyndaǧy böget būzylyp, 22 eldımekendı su aldy. Ol jaqtan 70 myŋ adam köşırıldı. Kemınde tört adam qaitys bolyp, bıreuı ız-tüssız joǧalyp kettı.
Su apatynan Qazaqstan öŋırı de zardap şektı. Türkıstan oblysynyŋ Maqtaral audanynda 845 üi, 3 mektep, 5 balabaqşa, 4 medisina ǧimaraty men mädeniet üiı jäne 54,7 km köpır men joldy su alǧan. Mūnan özge 7639 ga egıstık su astynda qaldy.
