Densaulyq saqtau ministrlıgı halyqty jalǧan mälımetterge senbeuge jäne resmi aqparat közderınen mälımet aluǧa şaqyrdy
Densaulyq saqtau ministrlıgınıŋ mamandary Oŋtüstık Qazaqstanda oquşylarǧa chip salynady eken degen habarlamany joqqa şyǧardy, dep habarlaidy Sputnik Qazaqstan .
İnfeksiialyq aurulardy epidemiologiialyq qadaǧalau basqarmasynyŋ bas sarapşysy Nūrşai Äzımbaevanyŋ aituynşa, audiohabarlama äleumettık jelıler men messendjerlerde taraǧan. Fotosy da bar. Onda halyqqa jappai ekpe salu, oquşylarǧa chip engızu jaiynda aitylǧan.
"Qazaqstan Respublikasynyŋ densaulyq saqtau ministrlıgı ol aqparattyŋ şyndyqqa janaspaitynyn resmi türde mälımdeidı. Halyqty jalǧan mälımetterge senbeuge jäne resmi aqparat közderınen mälımet aluǧa şaqyramyz. Barlyq aqparat ministrlıktıŋ resmi saity men äleumettık jelıdegı paraqşasynda bar", - dedı Äzımbaeva bügıngı onlain brifingte.
Osy oraida bas sarapşy jalǧan aqparat taratqan adamdardyŋ Qylmystyq kodekstıŋ 274-baby boiynşa jauapqa tartylatynyn eske saldy.
